2021 жылы iPhone-ға түсірілген әлемдегі ең үздік фотосуреттер анықталды

Жыл сайын өтетін iPhone Photography Awards байқауының 2021 жылғы жеңімпаздары анықталды деп хабарлайды "Газета.Ru" басылымы.

Айта кетерлігі, аталмыш байқауда алғаш рет ресейлік фотограф жүлделі орынға ие болып отыр - Татьяна Мерзлякова "Саяхат" номинациясында Териберка ауылындағы солтүстік шұғыланы суретке түсіріп, марапатқа ие болды. Аталмыш сурет IPhone 12 Pro Max-пен 2021 жылдың ақпанында түсірілген.

Ал венгриялық фототілші Иштван Керекеш "Трансильваниялық бақташылар" суреті үшін Гран-при иеленіп, "Жыл фотографы" атанды. IPhone 7-мен түсірілген фотосуреттен екі бақташының кәсіпорын маңында тұрғанын көруге болады.

iPhone Photography Awards 2021 байқауына әлемнің түкпір-түкпірінен мыңдаған адам өз суреттерін жолдаған.

"14-ші жыл сайынғы жүлде қайғы мен жалғыздық жылында түсірілген фотосуреттерге беріледі, десе де жаһандық пандемияға қарамастан, барлық жеңіске жеткен фотосуреттер адам рухының сұлулығын, үміті мен табандылығын шебер бейнелейді", - деп хабарланды IPPAWARDS жүлдесінің ресми сайтында.

Байқау шарты бойынша, сурет iPhone-ға түсіріліп, тек iOS қосымшасы арқылы өңделуі тиіс. Фотошопқа қатаң тыйым салынған.

Сонымен, жүлдеге ие болған суреттерге көз жүгіртелік:

"Жыл фотографы" номинациясының жеңімпазы Шаран Шеттидің "Жанасу" атты суреті.

"Жыл фотографы" номинациясында екінші орын иеленген Дэн Людің "Марстағы серуен" суреті.

"Абстракция" санатының жеңімпазы Гленн Хоманның суреті.

"Жануарлар" санатының жеңімпазы Лайла Баккердің суреті.

"Сәулет" санаты бойынша жеңімпаз Юэсян Ванның суреті.

"Балалар" санаты бойынша жеңімпаз Донг Вэйдің суреті.

"Қоршаған орта" санаты бойынша жеңімпаз Эйнат Штеклердің суреті.

"Пейзаж"санаты бойынша жеңімпаз Личжи Ванның суреті.

"Өмір салты" санаты бойынша жеңімпаз Махабуб Хоссейннің суреті.

"Табиғат" санаты бойынша жеңімпаз Кристиан Хорганың суреті.

"Өзге" санаты бойынша жеңімпаз Зерри Сонгтың суреті.

"Адамдар" санаты бойынша жеңімпаз Кристиан Хорганның суреті.

"Портрет" санаты бойынша жеңімпаз Кристен Крэбтридің суреті.

"Натюрморт" санаты бойынша жеңімпаз Кункун Людің суреті.

"Күннің батуы" санаты бойынша жеңімпаз Клэр Дропперттің суреті.