RU

"Астың қорытылуын тездетеді": Қытайлық БАҚ құрттың пайдасы жайлы жазды

Құрт
Көрнекі фото: martebe.kz

Қытайдың kazcnr.com ақпараттық порталы құрттың адам денсаулығына пайдасы жайлы жазды, деп хабарлайды Қазақпарат.

Қазақтың дәстүрлі тағамы төрт түрлі емдік қасиетке ие.

Біріншісі - құрт тамақты сіңіруге әсер етеді, тамақтан кейін құрт жесеңіз, ас тез қорытылады.

Екінші бір пайдасы - құрт запыранды басады.

Үшіншіден, құрт іш өтуді тоқтатады. Іші өткен адам күніне үш тал құрт жесе іші дереу тоқтайды екен.

Құрттың төртінші бір маңызды қасиеті - адам үнемі құрт жесе, ағзаға қажетті кальций, мырыш, магний, фосфор сияқты минералды заттар қатары ұлғаяды.

"Кальцийдің ең негізгі қайнар көзі - құрт. Сондықтан қазақтың осы бір ұлттық тағамын үнемі жеп тұруды ұмытпайық", - деп жазады қытайлық БАҚ.

Мақаланың түпнұсқасы: https://kaz.nur.kz/kaleidoscope/1943198-astyn-qortyluyn-tezdetedi-qytailyq-baq-qurttyn-paidasy-zaily-zazdy/