Билл Гейтс коронавирус пандемиясы 2022 жылы аяқталады деп болжады

Microsoft негізін қалаушы Билл Гейтс жаңа нұсқаның таралуына қарамастан, коронавирус пандемиясы келесі жылы аяқталуы мүмкін екенін айтты.

Миллиардер өзінің Twitter парақшасында атап өткендей, омикрон өте тез таралуда және жақын арада "әлемнің барлық елдерінде болады".

Оның айтуынша, жаңа нұсқаға байыппен қарау керек, өйткені бұл штамды жұқтырудың салдары әлі белгісіз.

"Егер бұл "дельтадан" жарты есе ауыр болса да, бұл біз көрген ең нашар толқын болады, өйткені ол өте жұқпалы", – деп түсіндірді ол.

Гейтс егер адамдар қажетті шараларды қабылдаса, пандемия келесі жылы аяқталады деп қосты.

"Егер бұл жағдайда жақсы жаңалық болса, ол омикронның тез таралып жатқаны соншалық, ол елде басым түрге айналғаннан кейін ондағы инфекциялар толқыны үш айдан аспайды. Бұл үш ай қиын болуы мүмкін, бірақ мен әлі де дұрыс қадамдар жасалса, пандемия 2022 жылы аяқталуы мүмкін деп ойлаймын", – деді миллиардер.

Microsoft басшысы бетперде тағуға, адам көп жиналатын орындардан аулақ болуға, COVID-19-ға қарсы вакцина алуға шақырды.