Испаниялық әйел бұрынғы күйеуінен 25 жыл үй шаруасын атқарғаны үшін ақы өндіріп алды

Испаниялық әйел сот арқылы бұрынғы күйеуінен 25 жыл отбасы болып тұрған кезде үй шаруасындағы еңбегі үшін ақы өндіріп алды, деп хабарлайды KAZ.NUR.KZ Euronews-ке сілтеме жасап.

Испания соты ер адамды 25 жыл бойы ақысыз үй шаруаларын атқарғаны үшін бұрынғы әйеліне шамамен 200 мыңдай еуро төлеуге міндеттеген.

Осы уақыт аралығында ерлі-зайыптылар екі қыз тәрбиелеп өсірген. Сот шешімінде әйел бар уақытын отбасына және үй шаруаларына арнағаны айтылған.

Басылымның жазуынша, ерлі-зайыптылар некеге тұрған кезде мүлікті бөлу режимі болған, яғни, оған сәйкес әрқайсысының тапқаны тек өзіне ғана тиесілі болуы тиіс.

Алайда бір шаңырақ астында бірге өмір сүрген жылдары ештеңеге қол жеткізе алмаған әйел ажырасу кезінде де ештеңе ала алмаған.

48 жастағы Ивана Мораль өзінің жағдайын түсініп, адвокатқа жүгінген. Олар бірлесе отырып, некелескен 25 жылда ең төменгі жалақымен есептегенде Ивананың 204 624 еуро алуға мүмкіндігі барын анықтаған.

Дәл осы соманы Малага соты Ивананың бұрынғы күйеуіне төлеуге міндеттеген.

Мәтіннен қате тапсаңыз, бізге жазыңыз