Ер адам 12 күн ішінде Диснейдің дүниежүзіндегі барлық филиалын аралап шықты

Диснейдің Натан Фэйршитс есімді жанкүйері 12 күн ішінде әлемнің әр жерінде орналасқан компанияның 12 филиалын аралап шықты. Ол бұл сапарынан ерекше әсер алған, деп хабарлайды KAZ.NUR.KZ fox35orlando сайтына сілтеме жасап.

Натан Фэйршитс өзінің Disney Global Ride челленджін 8 наурыз күні Париждегі Диснейлендтен бастап, сапарын жексенбі күні Флоридадағы "Сиқырлы Патшалық" паркінде аяқтаған.

Сол аралықта Фэйршитс Диснейдің Walt Disney Studios, Shanghai Disneyland, Hong Kong Disneyland, Tokyo Disneyland, Tokyo DisneySea, Disneyland, Disney California Adventure, Epcot, Animal Kingdom және Hollywood Studios сынды филиалдарына да барып үлгерген.

Натан KTLA-TV арнасына берген сұхбатында:

"Бұл өте керемет және таңғажайып саяхат болды. Қолымнан келгеніне әлі сене алмай отырмын", – деген болатын.

Фэйршитстің айтуынша, ол Диснейге қарасты барлық 216 аттракционға мініпті.

Ол ерекше саяхатына қанша қаражат жұмсағаны туралы ақпаратты жария еткен жоқ.