Магнитті дауыл: ғалымдар қыркүйек айындағы ең қауіпті күндер туралы ескерту жасады

Ғалымдар қыркүйек айында болатын магнитті дауылдарға қатысты болжаммен бөлісті. Бұл туралы АҚШ-тағы Ұлттық мұхит және атмосфера зерттеулері орталығына сілтеме жасаған KAZ.NUR.KZ хабарлайды.

Орталық мәліметінше, қыркүйек айындағы геомагниттік белсенділік жоғары деңгейге жетуі мүмкін.

Атап айтар болсақ, магнитті дауыл 14 қыркүйекте болады деп күтілуде. Сондай-ақ 6-8, 15-17 және 23 қыркүйекге магнитті дауыл әсері қатты байқалмақ.

Ал Meteoagent сайтының хабарлауынша, 1 қыркүйек күні жерді магинтті дауыл жабуы мүмкін.

Магниттік дауыл байланыс саласының жұмысына кедергі келтіреді. Сонымен қатар ауа райына тәуелді жандар мен қарттардың денсаулығына әсер етуі мүмкін.

Әсіресе, адамдарда бас ауыруы, бас айналуы мен жүрек айнуы және шаршаңқылық мен ұйқысыздық жиі кездеседі.