2023 жылдың қазан айына арналған махаббат жұлдыз-жорамалы

Қазан айында белгілердің жеке өмірінде өзгерістер болуы ғажап емес. Бұған тұтылу дәлізі қалай әсер етеді және махаббатын кім кезіктіреді? Зодиак белгілеріне арналған махаббат жұлдыз-жорамалын астролог Челси Джексон құрастырды.

Тоқтыларға арналған махаббат жұлдыз-жорамалы

12 қазаннан бастап Марстың Сарышаян белгісіне ауысуы жұп болып жүрген адамдардың бір-біріне құштарлығын арттырады. Тоқтылар құлпырып, дене бітімін қалыпқа келтіреді, бет-бейнесін өзгертеді. Жақын және бейтаныс адамдар сізге көбірек назар аударады.

Тоқтылар үшін қазан айындағы махаббат жұлдыз-жорамалы қандай? Қазан айының бірінші және екінші онкүндігінде Тоқты жарқырай түседі. Ескі қарым-қатынасқа нүкте қойып, жаңа әрі шынайы сезімге ерік беріңіз. Сөз байласқан жандарда бәрі жақсы болады, уақытты барынша бірге өткізіп, саяхатқа шығыңыздар.

Қазан айында Торпақты не күтіп тұр?

28 қазанда Торпақтағы Айдың тұтылуы жұптың ортақ қаржысына әсер етеді. Мұндайда бір-біріңізге қолдау көрсеткен абзал. Сыйлық беру және жылы сөздер арқылы жомарттық танытыңыз. Elite Daily басылымының астрологы Челси Джексон Торпақтың кемелденген қарым-қатынасқа ұмтылатынын атап көрсетті.

Қазан айының соңғы онкүндігі ымыраға келуге қолайлы. Шағымдарды өткенге қалдырыңыз, өміріңізді және болашаққа арналған жоспарыңызды құрыңыз. Бойдақ Торпақтар қызығушылық танытқан адамына бірінші болып қадам жасайды. Ұнатқан адамыңыздың қарсылық білдіруінен қорықпаңыз, ол сізді қалай да елеусіз қалдырмайды. Жаңа қарым-қатынасқа ерекше мән беріңіз, серігіңізді зерттеңіз.

Қазан айына Егіздерге арналған махаббат жұлдыз-жорамалы

Қазан айының алғашқы күндеріндегі күйзеліс басылып, көңіл-күй көтеріледі. Сезіміңізді іште бұғып қалмаңыз, жаңа адамдармен танысып, еліктіре біліңіз. Жұмыс барысында махаббатыңызды кезіктіріп қалуыңыз да мүмкін.

Қазан айында Егіздерге арналған махаббат болжамы қандай? Махаббатқа жауапкершілікпен қарайтын әрі тұрақтылықты қалайтын жандар бақытты болады. Жаңадан танысқан адамдар нәзіктігімен таңдандырады, ал бұрыннан бірге жүрген жұп бір-біріне қамқорлық көрсетеді. Өміріңіздің басқа бағыттарын дамыту үшін сүйіспеншілікке бөленіңіз.

2023 жылдың қазан айы бойынша Шаяндарға арналған махаббат болжамы қандай?

Жұмыс пен қаржы салаларындағы жақсы табыс Шаянның босаңсуына мүмкіндік береді. Astrologyk басылымындағы пікірлерде оның романтикалық әсерге толы көңіл-күйде болатыны жазылған. Ұзақ уақыт бойы махаббатын күтіп жүрген адамдар болашақ серігін кездестіреді. Қарым-қатынасқа бей-жай қарауға жол бермеңіз.

Интимдік өмір жақсарады. Шаяндар жақындықты, өз қалауының орындалғанын қалайды. Іштегі сезімді айтудан қорықпаңыз, бір-біріңізді түсінуге тырысыңыз. Таяуда ғана бас қосқан ғашықтар шынайылық пен достықты ту етуі керек.

Арыстандар үшін қазан айына арналған махаббат болжамы

Арыстандар сүйіктісін еркелетуге тырысып, сыйлықты үйіп-төгеді. Одан да ұтымды тәсілді қолданыңыз, махаббатты сатып алуға тырыспаңыз. Сөзден әрекетке көшетін уақыт жетті. Үй шаруасына қатысты міндеттерді бөліп алыңыз. Бойдақтар жұбын жұмысында кездестіруі ықтимал.

Арыстан үшін қазан айындағы махаббат жорамалы қандай? Отбасын құруға ниетті адамдарға жақын болыңыз. Тұрақты табысы және жылжымайтын жеке мүлкі бар адамдарды таңдаңыз. Оның сөзі мен іс-әрекетін салыстыра отырып, қорытынды шығарыңыз, содан соң өмір бойы бірге дамуға қадам жасаңыз.

2023 жылдың қазан айында Бикешті махаббат әлемінде не күтіп тұр?

9 қазаннан бастап Бикештегі Венера тіпті ең құмар романтиктердің де сезімін оятады. Әйелдерге арналған Her Zindagi басылымының мәліметінше Бикеш эмоционалдық байланысты тереңдеткісі келеді. Бір-біріңізді тани түсіңіз және арадағы байланысты адалдықпен орнатыңыз. Тұрақты серігіңізге сеніп, алғыс білдіріңіз.

Бикештің қамқоршы планетасы Меркурий 5-21 қазанда Таразыдан 22 қазанда Сарышаянға жылжып, екі рет белгілерін өзгертеді. Бикеш некелесуге, ажырасуға және сақтандыруға қатысты заңды тұрғыдағы мәселелерді шешеді.

Таразылар үшін қазан айына арналған махаббат жұлдыз-жорамалы

14 қазанда Таразылардағы жаңа туған Ай ымыраға келу үшін тамаша күн болмақ. Жаныңызға жақын адаммен татуласу арқылы ортақ құндылықтарды табыңыз. Хобби және мақсатыңызды бөлісу қарым-қатынасты нығайтады және серік табуға көмектеседі.

2023 жылдың қазан айында Таразыларды сезім әлемінде не күтіп тұр? Махаббат қана емес, әжар болатын адам іздегендер қазан айында арманына қол жеткізеді. Кездесуге барыңыз, сезіміңізді білдіріңіз. Жұп арасында жылылық пен әдемі эмоциялар пайда болады. Ортақ кәсіп бастап, бірге мүлік сатып алыңыз.

Қазан айында Сарышаянға арналған махаббат болжамы қандай?

Плутонның ретроградтық кезеңі 11 қазанда тікелей қозғалыспен жүреді. Бұл қарым-қатынаста өзгеріс туғызып, жаңа кезеңге өтуге, сезіміңізді білдіруге итермелейді. Сарышаян күш-қуат пен құштарлықтың арқасында өзіне көбірек назар аудартады.

23 қазанда Күннің Сарышаян белгісіне ауысуы ортақ меншік жағдайына әсер етеді. Сіздің жайлылығыңыз үшін серігіңіздің қосқан үлесін де бағалаңыз және өзара әрекет етіңіз. Жақында ғана кездесе бастаған жандар бірге сапарға аттанады. Sun Signs басылымы қазан айының соңына дейін Сарышаяндарда бақытты сәттің көп болатынын жазады.

Мергендер үшін қазан айындағы махаббат жұлдыз-жорамалы

Қазан айында махаббат пен бірге тұрақтылық қуантады. Мерген жан тыныштығын тауып, серігін мақтан тұтады. Сүйіктіңізбен бірге біраз зат сатып аласыздар, ал кейбір ғашық жандар үйдегі жайлылық үшін жанын салып, жөндеу жұмыстарын бірлесіп жасағысы келеді.

Қазан айында Мергенді не күтіп тұр? Тығыз жұмыс кестесіне қарамастан, бір-біріңізді еркелетуді ұмытпаңыз. Қоңырау шалып, жағымды хабарламалар жазыңыз, шағын сыйлықтар беріңіз. Айдың соңғы онкүндігінде жалғыз жүрген Мергендер махаббатын жолықтырады. Ол ықпалды және әйгілі адам болуы да ғажап емес.

Тауешкі үшін 2023 жылдың қазан айындағы махаббат болжамы қандай?

Қазан айында алаңдауға негіз жоқ. Жұп болуға асықпайтындар бұл айды достарымен өткізеді. Ерлі-зайыптылар балаларына және бір-біріне назар аударып, бірге жүреді.

Тауешкілер бірлескен бюджеттің негізін қалайды. Бір-біріңізді кездесуге шақыруға ұсыныс жасаңыздар. Қала сыртына жасалған сапарлар мен қызықты шеберлік сабақтары әдемі естелік болып қалады. Арада келіспеушілік көп болған адамдар психологқа баруы керек. Шынайылық жылулық әкеледі және сенім ұялатады.

Суқұйғышқа қазан айына арналған махаббат жорамалы

Көңіл-күйдің өзгеруі қарым-қатынасқа әсер етеді. Сүйікті адамыңыздың жеке тұлға екенін ұмытпаңыз. Егер сізге эмоционалдық қолдау қажет болса, оны шын жүректен сұраңыз.

Суқұйғыш үшін қазан айындағы махаббат болжамы қандай? Айдың бірінші жартысында туыстарыңыз сіздің назарыңызды қажет етеді. Егер сүйген адамыңыз болса, туыстардың үйіне бірге барыңыз, отбасылық дәстүрлерімен танысып, мереке ұйымдастырыңыз. Тұтылу дәлізі аяқталғаннан кейін махаббатыңызды кездестіру мүмкіндігі артады. 29 қазаннан бастап танысу сайтына тіркеліп, қысқа уақыт болатын кездесулерге баруға болады.

Балықтардың 2023 жылдың қазан айына арналған махаббат болжамы қандай?

Қазан айында Балықтар бірге өмір сүруді үйренеді. Әрқайсысы серігіне көмектесе отырып, жауапкершіліктің бір бөлігін өзіне алады. Әлі де бойдақ жүргендер қызметімен және сүйікті хоббиімен айналысады. Мақтау сөз естіп, өзіңізге өзгелердің назарын аудару үшін сыртқа жиі шығыңыз, өз-өзіңізді жоғары бағалау қараша айында сүйіктіңізді кезіктіруге көмектеседі.

Әрбір кездесуді пайдалы етіп өткізіңіз. Жақсы адамдармен танысып, араласатын ортаңызды қалыптастырыңыз, сол арқылы әлеуметтік баспалдақпен жоғары көтеріліңіз. Ерлерге арналған Augustman басылымында жылдың соңына қарай жоспарлаған романтикалық сапарға дайындалатын кездің келіп жеткені жайлы жазылған.

Қазан айында ғашық жандар ортақ жоспар құрып, сезімдерін нығайтады. Көптеген зодиак белгісінде тағдырлы кездесу болады. Құрмет пен қамқорлық мұзды ерітіп, жұп арасында тұрақтылық орнатады.