"Тәртіп сақшыларынан өтінген": үйқамақта отырған азамат өзін түрмеге қамауды талап етті

Италияның Фрозиноне коммунасында үй қамауында отырған тұрғын Рождество мерекесін басқа тұтқындармен бірге қарсы алу үшін өзін қамауға алуды сұраған. Бұл туралы KAZ.NUR.KZ "МИР24" басылымына сілтеме жасап хабарлайды.

Басылым мәліметінше, қазіргі уақытта 24 жастағы Марио жалғыз тұрады және жасаған ұсақ қылмыстары үшін үйқамақта отыр.

Ол мереке қарсаңында үйінен қашып, Сан-Доменико түрмесіне барған. Жігіт қысқы мейрамдарды жалғыз өткізбеу үшін тәртіп сақшыларынан жазасының қалған мерзімін түрмеде өтеуді сұраған.

Corriere Della Sera басылымының жазуынша, алайда Марионың өтініші қабылданбай, ол қайтадан үйқамаққа жіберілген.