"Тырнағын бояйды": Алматы зообағындағы шимпанзелер сурет сала алады

Алматы хайуанаттар бағы Паша мен Лола атты шимпанзелердің сурет салып отырған видеосын жариялады. Бұл туралы KAZ.NUR.KZ зообақтың Instagram-дағы парақшасына сілтеме жасап хабарлайды.

"Біздің шимпанзелеріміз сурет сала алады. Паша бояулармен түрлі суреттер салатын болса, Лола нәзікжанды болғандықтан алдымен тырнақтарын бояп, содан кейін сурет салады", - деп жазылған видео сипаттамада.

Зообақ мамандар маймылдар қолға тез үйреніп, шығармашылыққа де тез бейімделетінін атап өтті.

"Зообақ суретшілері: Паша мен Лола. Маймылдар - ерекше жаратылған ақылды жануарлар. Олардың сурет салуға деген талпынысы өте қызықты көрініс", - деді зообақ мамандары.