Алматының ботаникалық бағында бәйшешек гүлдеді (видео)
Опубликовано:
Алматының бас ботаникалық бағында бәйшешек гүлдеді. Биылғы алғашқы галантустың суреттері ботаникалық бақтың Instagram-дағы парақшасында жарияланды, деп хабарлайды KAZ.NUR.KZ.
"Енді көктем келді деп анық айта аламыз. Ақыры ботаникалық бақта галантус гүлдегенін көрдік. Оны бәйшешек деп те атайды. Шын мәнінде, бұл гүлдердің алғашқы өскіні қаңтардың ортасында пайда болды, бірақ суық және қалың қар олардың толық гүлдеуіне жол бермеді", - делінген желідегі жазбада.
Ботаникалық бақ мамандары бәйшешекті тамашалағысы келетіндер +7708 970 58 66 нөмірі арқылы экскурсияға жазыла алатынын ескертті.
Мамандардың айтуынша, галантустар Қазақстанның Қызыл кітабына енгізілген.
"Сондықтан оларға ұқыпты қарауыңызды, көгалдар мен ашық жерлерде жүрмеуіңізді, әсіресе гүл термеуіңізді сұраймыз. Қызыл кітапқа енген өсімдік түрлерін жою айыппұлмен, тіпті үш жылға дейінгі мерзімге бас бостандығынан айырумен жазаланады. Галантустардың сұлулығын алыстан тамашалаңыз", - дейді бақ мамандары.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/kaleidoscope/2066760-almatynyn-botanikalyq-bagynda-baisesek-guldedi-video/