Тірі жыландарды шалбарына салып алып ұшпақ болған ер адам әуежайда ұсталды

АҚШ-тағы Флорида штатында орналасқан Майами қаласында ер адам әуежайда шалбарына жыландарды салып, әкетпек болған. Бұл туралы KAZ.NUR.KZ CBS News басылымына сілтеме жасап хабарлайды.

Майами халықаралық әуежайы өкілдерінің айтуынша, ер адам жыландарды шалбарына салып, ұшаққа отыруды көздеген.

Көлік қауіпсіздігі басқармасының қызметкерлері ер адамды тінту барысында оның шалбарынан кішкентай шағын сөмке тапқан. Ал сөмкенің ішінде кішкентай тірі рептилиялар болғаны анықталды. Осыдан кейін ер адам ұсталды.

Ведомство өкілдерінің айтуынша, аталған сөмке жолаушы киімінің ішіне жасырылған.

Жыландар Флориданың Балық пен жабайы табиғатты қорғау комиссиясына тапсырылды.

Мәтіннен қате тапсаңыз, бізге жазыңыз