Күзде табиғатқа демалысқа шыққанда қандай шатыр пайдаланған жөн: пайдалы кеңестер

Сарапшы Ника Кобылкина күзгі демалысқа арнап қандай шатыр таңдау керегін айтып берді. Оның айтуынша, табиғат аясында тігілген шатыр желден және жаңбырдан қорғайтындай болуы керек, - деп хабарлайды RT.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Сарапшы Ника Кобылкина күзгі демалысқа арналған шатырдың желден және жаңбырдан қорғайтын, су өткізбейтін жаппасы бар болуы керектігін айтты.
• Маман саяхатшыларға су өткізбейтін рюкзак, шам, дәрі қобдишасы, жоғары калориялы тағамдар мен ыстық сусындарға арналған термос алуды ұсынды.
• Сарапшы бірнеше қабатты киім, термокөйлек және жауын-шашыннан қорғайтын сыртқы киім кию керектігін, сондай-ақ шатырда жылу сақтау үшін газ жылытқышын қолдануды ұсынды.

Маманның пікірінше, күзде демалысқа жел мен жаңбырдан қорғайтын шатыр таңдау қажет, сондай-ақ су өткізбейтін жаппа (тент) қолдану маңызды. Оған қоса түнгі салқында тоңып қалмау үшін ұйықтауға арналған маусымаралық төсек қап ала бару керек.

Табиғатқа жанашырлықпен қарайық, #jasylbolsyn экологиялық жобасын қолдап, саналы түрде саяхаттайық.

"Барлық қажетті зат сыятындай рюкзак сөмке таңдаңыз. Оның матасы су өткізбейтін болуға тиіс немесе су қорғағыш қап қажет болады. Шам және оған қосымша батарейкалар аса қажет. Егер маңдайға тағатын шамыңыз болса, қолыңыз бос болады, бұл өте ыңғайлы," - деді Ника Кобылкина.

Маман дәрі қобдишасына сыртқы антисептиктерді, таңу материалдарын және жәндіктерден қорғайтын құралдарды салу керегін айтады.

"Егер саяхат екі тәуліктен ұзақ болса, ауырсынуды басатын дәрілер, аллергияға қарсы препараттар және энтеросорбенттерді қоса алу керек. Саяхатқа арналған тамақты да алдын-ала ойластырыңыз. Суықта дене өз температурасын ұстап тұру үшін көп энергия қажет, сондықтан жоғары калориялы тағамдарды, мысалы, жаңғақтар, дәнді дақылдардан жасалған батончиктер алған дұрыс. Ыстық сусындар бойды жылытуға көмектеседі, сондықтан термос қажет болады," - деді сарапшы.

Сондай-ақ маман бірнеше қабаттан тұратын киімдерді таңдау керегін баса айтты: термокиім және жауын-шашын мен желден қорғайтын сыртқы киім міндетті түрде болуға тиіс.

Шатырда жылуды сақтау үшін газ жылытқышы туралы да ойланған жөн, - дейді маман.