Қазақ тағамдары әлемнің үздік асханаларының қатарына енді

TasteAtlas гастрогиді әлемдегі ең үздік 100 асхананың рейтингін жасау үшін әлем елдерінің 19 000-ға жуық тағамын сарапқа салды. Қазақ тағамдары әлемнің үздік 100 тағамының қатарына енді, деп хабарлайды KAZ.NUR.KZ.

Әлемдегі ең үздік 100 асхананың тізімінде Италия көш бастады. Гастрономия сарапшылары италиялық асхананың ерекше тағамдарының (пицца, паста, прошутто) сапасын, сондай-ақ ең үздік тамақ өндірушілері мен ең танымал мейрамханаларын жоғары бағалады.

Грекия және Перу тағамдары екінші және үшінші орындарға ие болды.

Португал, испан, жапон, түрік, қытай, француз және индонезиялық тағамдар да әлемдегі ең үздік ондыққа кірді.

Қазақ тағамдары 98-ші орынға ие болды. Міндетті түрде жеп көру керек тағамдар тізіміне қазақ еті, қазы, кеспе, шелпек, самса және басқа тағамдар енді.

Мәтіннен қате тапсаңыз, бізге жазыңыз