Араб асханасы: пеште пісірілген ерекше тауық еті

Араб мәзірі бойынша дайындалатын тауық еті басқа ас түрлеріне ұқсамайды. Тәбетті ашатын хош иісті тағамға жаңғақ ұнтағы өзгеше дәм береді. Ерекше тағамды дайындау үшін біз ұсынған рецепті пайдаланыңыз.

Араб елдерінің ұлттық асханасында құс етінен жасалған тағам түрлері кең таралған. Олар тауық етін бұқтырады, қайнатады, жарма мен көкөністер қосып пісіреді. Араб асханасы бойынша тауық етін дайындау тарихы туралы ақпарат жоқ. Ал бұл тағам АҚШ-тағы араб мейрамханаларының бірінде ойлап табылған деген болжам бар. Қытырлақ жаңғақ пен балқытылған ірімшіктің қоспасы ерекше дәм береді. Тағам дәмдеуіш күріш, кускус немесе булгурмен жақсы үйлеседі.

Сипаттамасы

Асханасы: Америкалық

Санаты: Бас тағам

Дайындау уақыты: 5 минут

Пісетін уақыты: 30 минут

Мөлшерлік калориясы: 221 ккал.

Ингредиенттер

• Тауық жұмыртқасы - 2 дана.
• Жоғары сорттық бидай ұны - дәміне қарай.
• Өсімдік майы - дәміне қарай.
• Грек жаңғағы - 60 г.
• Тұз - дәміне қарай.
• Қара ұнтақ бұрыш - дәміне қарай.
• Тауық еті - 2 кг.
• Қатты ірімшік - 80 г.

Дайындалуы

1. Жаңғақтарды дайындап алыңыз

Грек жаңғағын алдын ала қуырып алыңыз. Сыртын ашып, пышақпен майдалап тураңыз. Жаңғақты жұмсақ әрі біркелкі еткіңіз келсе, блендер пайдаланыңыз.

2. Жұмыртқа мен ірімшікті дайындаңыз

Қатты ірімшікті ірі үккіштен өткізіңіз. Шағын ыдысқа 2 жұмыртқаны жарыңыз. Бір шымшым тұз қосып, жұмыртқаны шанышқы көмегімен біркелкі болғанша араластырыңыз. Әбден араластырылған жұмыртқаны шұңғыл ыдысқа құйыңыз.

3. Тауық етін дайындаңыз

Тауық етін жуып, құрғатыңыз. Етті ұзындығы бойынша ортасынан кесіңіз. Етті тақтайға қойып, бетін пленкамен жабыңыз. Тауық етінің кеуде бөліктерін асүйге арналған балғамен ұрыңыз. Содан кейін пленканы алып тастаңыз да, дәміне қарай тұз және бұрыш себіңіз.

4. Тауық етін қуырыңыз

Табаны күнбағыс майын құйып, қыздырыңыз. Табаққа елеуіштен өткізілген бірнеше ас қасық бидай ұнын себіңіз. Етті алдымен ұнға былғап, содан кейін жұмыртқаға батырып, қызып тұрған табадағы майға салыңыз. Тауық етін екі жағынан қызарғанша қуырыңыз.

5. Пешке салып пісіріңіз

Пешіңіздің табасына пергамент қағазын төсеңіз. Оған қуырылған тауық еттерін салыңыз. Еттің үстіне туралған жаңғақтар мен үгітілген ірімшікті салыңыз. Етті пештің 180 °C температурасында 10 минут пісіріңіз.

Рецепт видеосы