Top.Mail.Ru

Сайт нұсқасы

ru kz

Зектілері

Tik Tok-та хит болған ассорти: үш түрлі тағамның рецепті

Опубликовано:

Хит болған ассорти тағамы. Скриншот
Хит болған ассорти тағамы. Скриншот: YouTube/Диана Есебекова

Желіде долма, қуырдақ және гүл ханымнан құралған ассорти тағамы кеңінен танымал болуда. Осы орайда Диана Есенбекова хит болған тағамның рецептін ұсынамыз.

Көптеген Шығыс халықтарында еттен жасалған тағамдар кеңінен таралған. Солардың бірі долма болса, енді бірі қазақтың ұлттық тағамы - қуырдақ. Бұған өзбек халқының сүйікті тағамы ханымды қосыңыз. Соңғы тағамның безендіру әдісін өзгертіп, оны гүл бейнесінде ұсынуды жөн көрдік. Сондықтан бүгінгі рецептіде бүгінде көпшілік арасында кеңінен танымал болған үш түрлі тағамнан ассорти жасайтын боламыз.

Сипаттамасы:

Асхана: Шығыс

Санаты: бас тағам

Дайындау уақыты: 60 минут

Пісіру уақыты: 120 минут

Калориясы: 250 ккал

Ингредиенттер:

Долма

Жүзім жапырақтары - 1 банка

Күріш - 2 ас қасық

Сиыр етінен фарш - 350 г

Тұз, бұрыш - дәміне қарай

Сұйық май - 10 гр (қуыруға)

Су - 30 мл

Қуырдақ

Картоп - 1 кг

Қой немесе сиыр еті - 1 кг

Сәбіз - 3 тал

Манты

Жұмыртқа - 1 дана

Жылы су - жарты стакан

Ұн - 350 г

Асқабақ - 500 г

Пияз - 3 тал

Дәмдеуіштер - дәміне қарай

Картоп - 3 тал (үлкен)

Дайындалуы

1. Долмаға қажет салманы дайындап аламыз

Долмаға қажет салма. Скриншот
Долмаға қажет салма. Скриншот: YouTube/Диана Есенбекова

Алдымен жарты банка жүзім жапырақтарын алып, одан қажетіңізге қарай жапырақтарды алып, ыстық суға салып, дайындап аламыз. Сосын долманың салмасына кірісеміз. Ол үшін, пиязды турап, қызып тұрған табадағы майға саламыз. Кейін оның үстіне фарш пен күрішті салып, жақсылап қуырып аламыз. Дәміне қарай, тұз, бұрыш қосамыз. Сосын жарты кесе су құйып, 15 минут қайнатып, бұқтырып қоямыз.

2. Салманы жүзім жапырақтарына орап, дайындап аламыз

Долманы түю. Скриншот
Долманы түю. Скриншот: YouTube/Диана Есенбекова

Дайын болған салманы, жүзім жапырақтарына орап, долманы дайындап аламыз. Ол үшін жүзім жапырақтарын бір-бірден жайып, ішіне салманы әдемілеп саламыз. Осылайша біздің бірінші тағамымыз дайын болады.

3. Қуырдақтың картобы мен сәбізін турап, қуырып аламыз

Картопты қызартып қуырып алу. Скриншот
Картопты қызартып қуырып алу. Скриншот: YouTube/Диана Есенбекова

Картоп пен сәбізді аршып, ірілеу етіп турап, қызып тұрған майға қызартып қуырып аламыз. Ол үшін алдымен сұйық майды әбден қыздырып алғаныңыз абзал. Сонда көкөністер қызыл әрі қытырлақ болып шығады.

4. Сұйық майда етті қуырып аламыз

Етті қуырып алу. Скриншот
Етті қуырып алу. Скриншот: YouTube/Диана Есенбекова

Сиыр немесе қой етін турап, қызып тұрған майда қуырып аламыз. Дәміне қарай қызыл, қара тұз, бұрыш қосамыз.

5. Ет дайын болған соң, үстіне картоп пен сәбізді, долманы саламыз.

Ет пен көкөністерді пісіріп алу. Скриншот
Ет пен көкөністерді пісіріп алу. Скриншот: YouTube/Диана Есенбекова

Ет пісіп қалған кезде алдымен үстіне картоп пен сәбізді саламыз. Сосын долмаларды жайғастырамыз. Сөйтіп баяу отта, піскенше қайнатып аламыз.

6. Гүл ханымның қамырын дайындаймыз

Қамырды илеп алу. Скриншот
Қамырды илеп алу. Скриншот: YouTube/Диана Есенбекова

Ол үшін алдымен ханымның қамырын илеп аламыз. Ол үшін ыдысқа жылы су, бір жұмыртқа мен тұзды салып араластырамыз. Сосын үстінен ұн себеміз. Осылайша қамырды илеп, 15-20 минутқа тындырып аламыз.

7. Ханымның салмасын дайындаймыз

Ханымның салмасын дайындап аламыз. Скриншот
Ханымның салмасын дайындап аламыз. Скриншот: YouTube/Диана Есенбекова

Ханымның салмасын дайындау үшін, асқабақ, картоп, пияз бен сиыр етінен фаршты араластырамыз. Дәміне қарай тұз, бұрыш пен кориандр қосамыз.

8. Қамырды бөліп, ішіне салмасын салып, гүл ханымды дайындап аламыз

Қамырды бөліп, салмасын салу. Скриншот
Қамырды бөліп, салмасын салу. Скриншот: YouTube/Диана Есенбекова

Қамырды алдымен жайып аламыз. Сосын алдымен төртке, сол төрт бөлігін тағы ұзын жолақшалар түрінде бөліп аламыз. Кейін әр жолақшаға сұйық май жағамыз. Ортасына салмасын салып, видеодағыдай орап шығамыз.

9. Ханымды пісіріп аламыз

Ханымды пісіріп алу. Скриншот
Ханымды пісіріп алу. Скриншот: YouTube/Диана Есенбекова

Раушан тәрізді дайын ханымды мантаваркаға салып, пісіріп аламыз. Ол үшін мантаварканы алдымен сұйық маймен майлап алған дұрыс. Сонда ханым оған жабыспайтын болады.

10. Дайын болған тағамды табаққа салып, әдемі етіп дастарханға қоямыз

Тағамды табаққа салу. Скриншот
Тағамды табаққа салу. Скриншот: YouTube/Диана Есенбекова

Барлық тағамдарды табаққа әдемілеп саламыз. Ол үшін, табақтың астына алдымен қуырдақты, сосын үстіне долма мен гүл ханымды әдемілеп саламыз. Үш түрлі тағамнан тұратын ассортиіміз, осылайша дайын болады.

Мақаланың түпнұсқасы: https://kaz.nur.kz/lady/2045188-tik-tok-ta-xit-bolgan-assorti-us-turli-tagamnyn-recepti/