Кола қосып пісірілетін нан: Анаргүлден ерекше нанның рецепті

Бұл нанның басты ерекшелігі Coca-Cola сусынымен байланысты. Кола қосылған нанның дәмі карамельге ұқсайды әрі өте жұмсақ болып шығады. Анаргүл Құдайбергеновамен бірге жаңа рецепт арқылы ерекше нан түрін пісіріп көріңіздер.

Осы және басқа рецепт түрлерін Анаргүл Құдайбергенованың YouTube аспаздық арнасынан таба аласыздар. Жаңа видеоларды жіберіп алмау үшін арнаға жазылыңыз.

Coca-Cola - әлемге танымал сусын. Кола 1886 жылы 8 мамырда Атлантада (АҚШ) пайда болды. Газдалған тәтті сусын Американы, содан соң әлемдік нарықты тез жаулап алды. Бұл сусын арқылы нан пісіруді кімнің қашан ойлап шығарғаны белгісіз. Бүгінде кола тағамдарға жаңа дәм беру үшін де қосылады. Қант пен табиғи хош иістендіргіштің үйлесімі нанды дәмді етеді, ал газдалған сусын қамырдың жақсы көтерілуіне көмектеседі және ұнның дәнмаңызын жұмсартады.

Сипаттамасы

Асханасы: еуропалық

Санаты: тіскебасар

Дайындау уақыты: 5 минут

Дайын болатын уақыты: 20 минут

Құрамы

Қант - 1 ас қасық

Жоғары сортты бидай ұны - 550 г

Өсімдік майы - 3 ас қасық

Күнжіт - дәміне қарай

Тұз - 1 шай қасық

Құрғақ ашытқы - 1 ас қасық

Жұмыртқаның сарысы - 1

Кока-кола - 330 мл

Дайындалуы

1. Құрғақ ингредиенттерді араластырыңыз

Шұңғыл ыдысқа ұн салыңыз. Оған 1 шай қасық тұз, және 1 ас қасық қант қосыңыз. Оның үстіне құрғақ ашытқыны қосып, барлығын жақсылап араластырыңыз.

2. Кола құйыңыз

Құрғақ қоспалар салынған ыдысқа бөлме температурасындағы коланы құйыңыз. Қоспа біркелкі массаға айналғанша былғауыш қасықпен араластырыңыз. Содан кейін иіссіз өсімдік майын құйып, қолмен қамыр илеңіз.

3. Қамырдың көтерілгенін күтіңіз

Қамыр толықсыған кезде одан шар пішінін жасаңыз. Қамырды шұңғыл ыдысқа салып, бетін жауып қойыңыз. Шамамен 1 сағат күтіңіз.

4. Қамырды табаға салыңыз

Қамыр көтерілгеннен кейін иінін қандырып, пергамент қағазы төселген табаға салыңыз. Қамырдан тікбұрышты қабат жасаңыз. Бетін целлофанмен жауып, тағы көтерілгенше 20 минутқа қалдырыңыз.

5. Дайын қамырдың пішінін жасаңыз

Қамыр қайта көтерілген соң бетіндегі целлофанды алып тастаңыз. Нан пішінін қолмен жасауға болады. Алдымен шет жағын бойлай, содан соң орта тұсының пішінін келтіріңіз. Қамырдың бетіне жұмыртқаның сарысын жағып, күнжіт дәнін себіңіз.

6. Нанды пісіріп алыңыз

Пешті 250 °С-қа қойып қыздырыңыз. Қамыр салынған табаны пешке салып, 25 минуттан кейін алыңыз. Нан піскен соң сәл суытыңқыратып, дастарқанға қойыңыз.