Ораза айтта жеті шелпекті қалай пісіру керек: 15 минут уақытыңызды алатын рецепт
Опубликовано:
![Ашытқысыз жеті шелпек. Скриншот Ашытқысыз жеті шелпек. Скриншот](https://cdn.nur.kz/images/1120x630/39e39da00f4fd617.jpeg)
Ораза айт мерекесінде қазақ халқы дәстүр бойынша жеті шелпек пен бауырсақ пісіреді. Назарларыңызға 15 минутта дайын болатын жеті шелпектің ең оңай рецебін ұсынамыз.
Ораза айт мерекесі жақындағалы бері көптеген қыз-келіншек ас мәзірін дайындауда. Осыған орай, назарларыңызға ашытқысыз жасалатын жеті шелпектің рецептісін ұсынамыз. Фудблогер Шынар Түсіпованың YouTube арнасынан осы сынды өзге де тағамдардың түрлі рецептісімен таныс бола аласыздар.
Сипаттамасы
Асхана: Қазақ
Санаты: басты тағам
Дайындалу уақыты: 30 минут
Дайын болу уақыты: 15 минут
Құрамы
Сүт -200 гр
Жұмыртқа - 2 дана
Тұз - 0,5 шай қасық
Қант - 2 ас қасық
Ұн - 500-550 гр
Дайындалуы
1. Қамырға қажет сүтті дайындаймыз
![Қамырға қажет сүт. Скриншот Қамырға қажет сүт. Скриншот](https://cdn.nur.kz/images/1120/30b7b0ee60e9055f.jpeg)
Бөлме температурасындағы жылы сүтке екі жұмыртқаны қосамыз. Массаның үстіне екі шай қасық тұз бен екі ас қасық қантты салып, ерігенше жақсылап араластырамыз.
2. Қамырға ұнды қосып, жұмсақ қамыр илейміз
![Қамырға ұнды қосамыз. Скриншот Қамырға ұнды қосамыз. Скриншот](https://cdn.nur.kz/images/1120/248d639f7a8139ee.jpeg)
Сүт пен жұмыртқа қоспасына ақырындап ұн қосып, алдымен венчикпен жақсылап араластырамыз. Осылайша, жұмсақ қамыр илейміз. Дайын қамырды иін қандыру үшін, бетін жауып, 5-10 минут тындырамыз.
3. Шелпектерді жаямыз
![Қамырды жаямыз. Скриншот Қамырды жаямыз. Скриншот](https://cdn.nur.kz/images/1120/dccf4278bd33d4e3.jpeg)
Қамырды табаның көлеміне қарай, бірнеше бөлікке бөлеміз. Әр бөлікті оқтаудың көмегімен, жіңішке, домалақ етіп жаямыз.
4. Шелпектерді қуырамыз
![Ыстық майда дайын шелпектерді қуырамыз. Скриншот Ыстық майда дайын шелпектерді қуырамыз. Скриншот](https://cdn.nur.kz/images/1120/492f781dbcd5d08f.jpeg)
Табаға майды қыздырып, дайын шелпектерді екі жақ беті қызарғанша қуырамыз. Бұл ретте, майдың қызып тұрғаны абзал. Әйтпесе, шелпектер майды көп сіңіріп, қамыры майлы болып шығады.
5. Дайын шелпекті дастарханға ұсынамыз
![Дайын шелпектерді дастарханға ұсыну. Скриншот Дайын шелпектерді дастарханға ұсыну. Скриншот](https://cdn.nur.kz/images/1120/5a91682d9a54358b.jpeg)
15 минутта ашытқысыз дайын болатын шелпектер Ораза айт дастарханының сәнін келтіретіні анық. Мұндай шелпекті қонақтарға ыстық күйінде ұсынсаңыз, тіптен жақсы. Шелпектеріңіз ыстық әрі дәмді күйінде бірден желінетін болады.
Мақаланың түпнұсқасы: https://kaz.nur.kz/lady/2079839-oraza-aitta-zeti-selpekti-qalai-pisiru-kerek-15-minut-uaqytynyzdy-alatyn-recept/