Ірімшік қосылған картоп құймақтары: Ариана ұсынған дәмді әрі ерекше рецепт
Опубликовано:
![Ірімшік қосылған картоп құймақтары. Көрнекі сурет Ірімшік қосылған картоп құймақтары. Көрнекі сурет](https://cdn.nur.kz/images/1120x630/ae6665f17e557a17.jpeg)
Құймақтарды әдетте жұмыртқа мен ұннан жасайды. Десе де, картоп қосылған құймақ жайлы естімеген боларсыздар. Бүгінгі материалда ірімшік қосылған картоп құймақтары туралы айтатын боламыз.
Ірімшік қосылған картоп құймақтарының рецебін танымал фудблогер Ариана Дәуренқызы ұсынады. Блогердің YouTube арнасынан өзге де дәмі тіл үйіретін тағамдардың рецебімен таныс бола аласыздар.
Сипаттамасы
Асхана: Славян елдері
Санаты: тіскебасар
Дайындалу уақыты: 15 минут
Дайын болу уақыты: 10 минут
Құрамы
Жұмыртқа - 3
Картоп - 4-5 дана
Тұз - дәміне қарай
Ыстық сүт - 400 мл
Аскөк - дәміне қарай
Ірімшік (сулугуни) - 70 гр
Өсімдік майы - 4 ас қасық
Ұн - 150 гр
Дайындалуы
1. Қайнатылған картопты еземіз
![Картопты еземіз. Скриншот Картопты еземіз. Скриншот](https://cdn.nur.kz/images/1120/ec8b68a68714506b.jpeg)
Қайнатылған 4-5 дана картопты шұңғыл ыдысқа салып, жақсылап езіп аламыз.
2. Жұмыртқа қосамыз
![Жұмыртқа қосамыз. Скриншот Жұмыртқа қосамыз. Скриншот](https://cdn.nur.kz/images/1120/6a39753de496a09e.jpeg)
Картоп езбесінің үстіне үш дана жұмыртқаны қосамыз. Дәміне қарай тұз себеміз. Сосын бәрін жақсылап араластырамыз.
3. Ыстық сүт қосамыз
![Ыстық сүт қосамыз. Скриншот Ыстық сүт қосамыз. Скриншот](https://cdn.nur.kz/images/1120/d1d28e83a1182654.jpeg)
Дайын болған картоп езбесіне ыстық сүттің жартысын қосамыз. Тағы да жақсылап араластырамыз.
4. Ұн қосамыз
![Ұн қосамыз. Скриншот Ұн қосамыз. Скриншот](https://cdn.nur.kz/images/1120/824f5609b569ae94.jpeg)
Қоспаға ұнды біртіндеп қосып, біркелкі етіп араластырамыз. Бұл ретте қамырдың іртік болып шықпауы үшін, ұнды шанышқымен жақсылап араластырған жөн.
5. Ірімшік пен аскөкті қосамыз
![Ірімшік пен аскөкті қосамыз. Скриншот Ірімшік пен аскөкті қосамыз. Скриншот](https://cdn.nur.kz/images/1120/474dbf8b1f24d7a7.jpeg)
Құймақтың қамырына алдымен аскөкті, кейін ірімшікті қосамыз. Сосын бәрін жақсылап араластырамыз. Негізгі массаға сүттің қалған бөлігін қосып, араластырамыз. Соңында сұйық май қосып, тағы да жақсылап араластырып аламыз.
6. Құймақты ыстық табада пісіреміз
![Құймақты пісіреміз. Скриншот Құймақты пісіреміз. Скриншот](https://cdn.nur.kz/images/1120/f3fa730e45470e03.jpeg)
Табаны пеште қыздырып, құймақты ожаумен құямыз. Осылайша, құймақтың қамыры біткенше, толықтай пісіріп шығамыз. Құймақтар жұқа әрі дәмді болып шығады.
Мақаланың түпнұсқасы: https://kaz.nur.kz/lady/2090558-irimshik-qosylgan-kartop-quimaqtary-ariana-usyngan-damdi-ari-erekshe-retsept/