Алма қосылған жұмыртқасыз шарлотка: Ризадан ең дәмді рецепт
Жарияланған күні:
![Жұмыртқасыз шарлотка. Скриншот Жұмыртқасыз шарлотка. Скриншот](https://cdn.nur.kz/images/1120x630/27af2402de4f4758.jpeg)
Жұмыртқасыз шарлотка жайлы естуіңіз бар ма? Алма мен корица қосылып жасалатын десерттің рецебімен бүгінгі материалда таныс бола аласыздар.
Шарлотканы жұмыртқасыз да пісіруге болады. Ол үшін, қолыңызда айран, алма және корица сияқты негізгі құрам болса болғаны. Фудблогер Риза Нұрланқызы ерекше рецепт ұсынады.
Сипаттамасы
Асхана: Француз
Санаты: десерт
Дайындалу уақыты: 20 минут
Дайын болу уақыты: 35-40 минут
Құрамы
Ұн - 140 гр
Қамыр қопсытқыш - 10 гр
Қант - 150 гр
Жарма ұнтағы - 140 гр
Сұйық май - 100 мл
Айран - 250 мл
Ас содасы - 0,5 шай қасық
Алма - 4 дана
Корица - 1 шай қасық
Дайындалуы
1. Айранға ас содасын қосамыз
![Айранға ас содасын қосамыз. Скриншот Айранға ас содасын қосамыз. Скриншот](https://cdn.nur.kz/images/1120/4e779e13e5058e03.jpeg)
Айранға жарты шай қасық ас содасын қосып, жақсылап араластырамыз. Қоспаны жарты сағатқа қойып қоямыз. Сонда айран көтерілетін болады.
2. Қамырдың негізгі құрамын араластырамыз
![Қамырдың негізгі құрамын араластырамыз. Скриншот Қамырдың негізгі құрамын араластырамыз. Скриншот](https://cdn.nur.kz/images/1120/8a662a1fd4d925ee.jpeg)
Ұнға қант, жарма ұнтағы, қопсытқышты салып, жақсылап араластырамыз. Оның үстіне сұйық майды қосамыз. Сондай-ақ, ашыған айранды қосып, жақсылап араластырып, біркелкі қамыр дайындаймыз.
3. Алманы дайындаймыз
![Алманы ұсақтап турап, корицамен араластырамыз. Скриншот Алманы ұсақтап турап, корицамен араластырамыз. Скриншот](https://cdn.nur.kz/images/1120/d80e3a62bf81f533.jpeg)
Алманы жассылап жуып, ұсақ, шаршы етіп тураймыз. Үстінен корицаны қосып, жақсылап араластырып аламыз. Дайын болған алманы қамырға қосып, араластырамыз.
4. Шарлотканы әсемдейміз
![Шарлотканы безендіреміз. Скриншот Шарлотканы безендіреміз. Скриншот](https://cdn.nur.kz/images/1120/449f24cb6f789452.jpeg)
Екі алманы ортасынан бөліп, видеодағыдай етіп, жұқа тілімдерге тураймыз. Сосын шарлотканың бетіне әсемдеп, раушан гүлі сияқты қойып, безендіріп шығамыз. Алдын-ала 180 градуста қызып тұрған пеште, 35-40 минутқа қойып, пісіреміз. Осылайша, жұмыртқасыз дайындалатын алма шарлоткасы дайын болып шығады.
Мақаланың түпнұсқасы: https://kaz.nur.kz/lady/2091875-alma-qosylgan-zhumyrtqasyz-sharlotka-rizadan-eng-damdi-retsept/