Top.Mail.Ru

Сайт нұсқасы

ru kz

Зектілері

Жазға жеңіл ас: Диана Есенбековадан тауықтан жасалатын сорпаның рецебі

Опубликовано:

Тауық сорпасы. Көрнекі сурет
Тауық сорпасы. Көрнекі сурет: pixabay.com

Тауық сорпасы оңай әрі тез дайындалатын тағамдардың бірі. Сорпаны үй жағдайында қалай дәмді етіп даярлауға болады? Бүгінгі рецепттен білетін боласыздар.

Тауық сорпасының үй жағдайында қарапайым жасалу жолын көпшілік біледі. Алайда оны дәмді етіп даярлау сырын қыз-келіншектер біле бермеуі мүмкін. Осыған орай, фудблогер Диана Есенбекова тауық етінен дайындалатын жеңіл әрі дәмді сорпаның рецебін ұсынады.

Сипаттамасы

Санаты: басты тағам

Дайындалу уақыты: 10 минут

Дайын болу уақыты: 30 минут

Құрамы

Тауық еті - қалауыңызға қарай

Пияз - 2 дана

Сәбіз - 2 дана

Сарымсақ - 1 тісше

Сельдерей, лавр жапырағы, аскөк - қалауыңызша

Тұз - дәміне қарай

Тауық сорпасына арналған дәмдеуіш - дәміне қарай

Картоп - көлеміне қарай

Кеспе немесе дәнді-дақылдар - қалауыңызша

Дайындалуы

1. Қазанға тауық еті мен көкөністерді саламыз

Тауық еті мен көкөністер. Скриншот
Тауық еті мен көкөністер. Скриншот: YouTube/ СУПЕР КЕЛІН ДИАНА

Қазанға бір пияз бен екі сәбіз, тауық еті, біс тісше сарымсақ пен сельдерейді саламыз. Дәміне қарай тұз бен лавр жапырағын қосамыз. Сорпа қайнаған кезде, бетіндегі көбігін алып тастаймыз.

2. Тауық сорпасына арналған дәмдеуішті қосамыз

Cорпаға дәмдеуіш қосамыз. Көрнекі сурет
Cорпаға дәмдеуіш қосамыз. Көрнекі сурет: pixabay.com

Тауық сорпасына арналған дәмдеуішті дәміне қарай қосамыз. Сорпаның құрамындағы барлық заттар сорпаға сіңген соң және ет піскен соң, оны сүзгімен сүзіп аламыз.

3. Көкөністерді блендерден өткіземіз

Көкөністерді блендерден өткіземіз. Скриншот
Көкөністерді блендерден өткіземіз. Скриншот: YouTube/ СУПЕР КЕЛІН ДИАНА

Сорпа қайнаған соң, ондағы еттен бөлек, көкөністерді де сүзіп аламыз. Сосын блендерге салып, үстінен аздаған сорпа қосып, блендерден өткізіп аламыз.

4. Картопты сорпаға қосамыз

Сорпаға арналған картоп. Көрнекі сурет
Сорпаға арналған картоп. Көрнекі сурет: pixabay.com

Блендерден өткен көкөністерді сорпаға қосамыз. Сосын картопты ұсақ шаршы түрінде турап, оны да сорпаға қосамыз. Тауық етін де суытып, турап сорпаға саламыз.

5. Сорпаға кеспе қосамыз

Cорпаға кеспе қосамыз. Скриншот
Cорпаға кеспе қосамыз. Скриншот: YouTube/ СУПЕР КЕЛІН ДИАНА

Қайнап жатқан сорпаға кеспе немесе өзіңіз ұнататын кез келген дәнді-дақылды қоссаңыз болады. Кеспені қайнатып, пісіріп аламыз. Дайын болған сорпаны ыдысқа құйып, бетіне аскөк сеуіп, берсеңіз болады.

Мақаланың түпнұсқасы: https://kaz.nur.kz/lady/2103920-zhazga-zhengil-as-diana-esenbekovadan-tauyqtan-zhasalatyn-sorpanyng-retsebi/