RU

Қазақстандағы ақылы жол үшін төлем жасалмаса қандай жаза қолданылады

Полицей
Көрнекі фото: NUR.KZ

Қазақстанда қалалар арасындағы ақылы жолдардың жаңа учаскелері іске қосылды. Олар қалаған жерге тез жетуге және жолдың техникалық жағдайын сақтау үшін қаражатты тиімдірек пайдалануға көмектеседі. Дегенмен, төлемдегі заңбұзушылықтар айыппұлдарға алып келуі мүмкін. Толығырақ Нұрфин материалынан оқыңыз.

Қазақстанда ақылы жолдарды енгізу 2013 жылы Нұр-Сұлтан-Щучинск тас жолының учаскесінде басталды.

2019 жылы мұндай жолдардың жалпы ұзындығы 682 шақырымға жетті. Ал 2021 жылы ұзындығы 5,5 мың шақырым болатын қосымша 7 учаске пайдалануға берілді.

Бірақ жаңа жолдар бойынша ақы алу 15 қарашадан бастап тек бірінші техникалық санаттағы учаскелерде жүргізіледі деп жоспарлануда.

Ақылы жол ақысын төлеу көлік иелерінің міндеті екенін есте ұстаған жөн. Егер төлемесе, айыппұл салынады.

Ақылы жолдардағы айыппұлдар

Әкімшілік кодекстің 628-бабына сәйкес, ақылы жолдарда ақы төлемейтін қазақстандықтарға 5 айлық есептік көрсеткіш (АЕК) – 14 585 теңге айыппұл салынуы мүмкін.

Ал заңды тұлғалар үшін жаза 10 АЕК – 29 170 теңгеге жетеді.

2022 жылы Қазақстанда ең төменгі күнкөріс деңгейін, АЕК және басқа да көрсеткіштерді арттыру жоспарланып отыр.

Осыған байланысты айыппұл мөлшері жеке тұлғалар үшін 15 315 теңгеге дейін, заңды тұлғалар үшін 30 630 теңгеге дейін өсуі мүмкін.

Ақылы жол қанша тұрады

Естеріңізге сала кетейік, жол жүру ақысы бірнеше факторларға байланысты болады:

  • жеңіл көліктер класы – жүк көліктері, жеңіл және жеңіл көліктердің бағасы әртүрлі,
  • нақты учаскелердегі тарифтер – жеңіл автокөліктер үшін 50 теңгеден 420 теңгеге дейін, төлем жекеше ақылы жолға байланысты.

Ал ақылы жолдың бойында үйлері бар тұрғындар үшін 1000 теңгеден жыл сайынғы арнайы жазылымдар жүргізіледі.

Жаңа жолдарда жүруге ақыны қалай төлейді

"ҚазАвтоЖол" ҰК сайтының хабарлауынша, 2021 жылы "ашық" төлем жүйесін енгізу жоспарлануда.

Яғни, жолдарда ешқандай кедергі болмайды. Ал көліктің ақылы учаскеге өтуі бақылау аркаларындағы арнайы камералар арқылы жазылады.

Бұл жүйенің басты артықшылығы – терминалдарда тоқтамай жылдамдықты шектеу мүмкіндігін сақтау.

Мақаланың түпнұсқасы: https://kaz.nur.kz/nurfin/1941042-qazaqstandagy-aqyly-zol-usin-tolem-zasalmasa-qandai-zaza-qoldanylady/