Ұлттық банк базалық мөлшерлемені 14 пайыз деңгейінде қалдырды

Опубликовано:

Ұлттық банк. Фото
Ұлттық банк. Фото: nationalbank.kz

Ұлттық банктің Ақша-кредит саясаты жөніндегі комитеті базалық мөлшерлемені +/– 1,00 п.т. пайыздық дәлізімен жылдық 14,00 пайыз деңгейінде белгілеу туралы шешім қабылдады, деп хабарлайды KAZ.NUR.KZ тілшісі қаржы ұйымының баспасөз қызметіне сілтеме жасап.

Ұлттық банктің мәліметінше, тиісінше өтімділікті ұсыну жөніндегі тұрақты қолжетімді операциялар бойынша мөлшерлеме 15 пайыз, ал өтімділікті алу жөніндегі тұрақты қолжетімді операциялар бойынша мөлшерлеме 13,00 пайыз болады.

"Шешім қысқа мерзімді және орта мерзімді перспективада инфляция тәуекелдерінің ағымдағы теңгерімі, сондай-ақ Ұлттық Банктің жаңартылған болжамдары ескеріле отырып қабылданды.

Базалық мөлшерлеменің осы деңгейі жаңа күтпеген өзгерістер болмаған жағдайда 2024 жылға қарай инфляцияның бірқалыпты төмендеуін қамтамасыз етеді. Ақша-кредит талаптары 2023 жылы инфляциялық процестердің баяулауына қарай қалпына келеді", - делінген хабарламада.

Мақаланың түпнұсқасы: https://kaz.nur.kz/nurfin/1972814-ulttyq-bank-bazalyq-molserlemeni-14-paiyz-dengeiinde-qaldyrdy/

jitsu gif