Елдегі ақша айырбастау нүктелерінде доллар 475 теңгеге қымбаттап кетті

Қазақстандағы ақша айырбастау нүктелерінде америкалық валюта күрт қымбаттады. Бір күн бұрын биржада доллар 10 теңгеден астам бағаға көтерілген болатын.

Kurs.kz мәліметіне сүйенсек, Алматыдағы ақша айырбастау нүктелерінде доллар 469-474 теңге аралығында сатылып жатыр. Олар бір америкалық валютаны 460-465 теңгеден сатып алуда.

Ал Нұр-Сұлтан тұрғындары бір долларды 464-467,5 теңгеден сатып, 469-473 теңгеден сатып ала алады.

Шымкенттің кейбір ақша айырбастау орындарында доллар 475 теңгеге көтеріліп кетті, олар бір америкалық валютаны 462-469 теңгеден сатып алуда.

Естеріңізге сала кетейік, кеше Қазақстан қор биржасындағы сауда-саттық барысында доллардың теңгеге шаққандағы бағамы бір бірлікке 464,81 теңгеге жетті. Америкалық валюта 10,45 теңгеге қымбаттады.