14-29 жастағы қазақстандықтарға арналған 3 млн теңге көлеміндегі грантқа өтініш қабылдау басталды

Ақпарат және қоғамдық даму министрлігі "Тәуелсіздік ұрпақтары" грантын тағайындау жөніндегі конкурс басталғанын мәлім етті. Оларға 14-29 жас аралығындағы жастар үміткер бола алады, деп хабарлайды Elorda.info.

2022 жылы конкурс шеңберінде 30 грант беріледі, олардың әрқайсысы 3 миллион теңгеден болады.

Грантты тағайындаудың мақсаты – белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекеттік қолдау. Оны алуға конкурстық өтінімдерді қабылдау аяқталған кезде жасы 14-тен кіші емес және жасы 29-дан үлкен емес Қазақстан азаматтары үміткер бола алады.

Гранттар ел азаматтарына келесі бағыттар бойынша жаңа идеялар мен бастамаларды іске асыру үшін конкурстық негізде беріледі:

"Ғылым" - ғылымның басым секторларында жаңа ғылыми жобалар мен зерттеулерді іске асыру үшін;

"Мәдениет" - Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыру үшін;

"Ақпараттық технологиялар" – жаңа IT-шешімдер мен жобаларды, оның ішінде бастаушы стартап-жобаларды іске асыру және әзірлеу үшін;

"Бизнес" - экономиканың басым секторларында жаңа бизнес-идеяларды іске асыру үшін;

"Медиа" – жаңа медиа-жобаларды, оның ішінде жастар үшін танымдық, пайдалы, қызықты контентті құру жөніндегі жобаларды іске асыру үшін.

Үміткерлердің конкурстық өтінімдері (қағаз нұсқада) 14 тамызға дейін мына мекенжай бойынша қабылданады:

Нұр-Сұлтан қаласы, Мәңгілік ел даңғылы 8, "Министрліктер үйі" Әкімшілік ғимараты (14-кіреберіс);

Электрондық нұсқаны пошта арқылы generation.kaz@gmail.com жіберу керек .

Конкурстық өтінімдер мемлекеттік және (немесе) орыс тілдерінде қабылданады және:

- жобаның сипаттамасы;

- жобаның бейне-презентациясы (60 секундтан артық емес);

- шығындар сметасының жобасы;

- зияткерлік меншік туралы мәліметтер (бар болса).

Мәтіннен қате тапсаңыз, бізге жазыңыз