Қазақстанда минималдық жалақы өмір сүруге жете ме

Биыл Қазақстанда ең төменгі жалақы – 70 мың теңге. Finprom сарапшылары мұндай сома елде өмір сүруге жеткіліксіз деп санайды. Толығырақ KAZ.NUR.KZ журналистері біліп көрді.

Қазақстандағы ең төменгі жалақының (ЕТЖ) мөлшері орташа номиналды немесе медианалықтан айырмашылыққа қарағанда, қандай да бір экономикалық факторларға байланысты емес. Оны үкімет жыл сайын айқындайды.

2023 жылы ең аз жалақы 70 мың теңгеге тең болды. Халықаралық еңбек ұйымының (ХЕҰ) мәліметтері бойынша, Қазақстан ең төменгі жалақы деңгейі бойынша елдер рейтингінде 77-орында және Кения мен Непал сияқты кедей мемлекеттермен көршілес.

Ресейде, Беларусьте және Арменияда жағдай жақсы, мұнда минималдық жалақы сәл жоғары: 213 доллар, 179 доллар және 153 доллар, ал Қазақстанда шамамен 128 доллар. Ең жоғары минималдық жалақы Швейцарияда тіркелген – 4 216 доллар, бұл қазіргі бағам бойынша, шаққанда 1,9 млн теңгеден асатын сома.

Сарапшылардың пікірінше, 70 мың теңге қазақстандықтардың негізгі қажеттіліктеріне жетпейді. Мәселен, Ұлттық статистика бюросының зерттеу нәтижелері бойынша, 2023 жылдың бірінші тоқсанында орташа қазақстандықтың азық-түлікке, киімге, аяқ киімге, коммуналдық қызметтерге, медицина мен білімге жұмсаған айлық тұтыну шығындары орта есеппен 79,8 мың теңге болған, бұл ең төменгі жалақыдан 14 пайызға артық.

Еске салайық, Қазақстанда ең төменгі жалақыны анықтау әдістемесін енгізу жұмыстары жүргізіліп жатыр. Оны халықтың орташа табысына байланыстыру жоспарланған, бұл еңбек нарығындағы жағдайға сәйкес келетін ЕТЖ орнатуға мүмкіндік береді.