Доллар бағамы демалыс күндері қарсаңында шамамен 2 теңгеге жоғарылаған

Бүгін, 24 қарашада Қазақстан қор биржасындағы күн сайынғы сауда қорытындысы бойынша АҚШ долларының бағамы 2 теңгеге жуық көтерілген, деп хабарлайды KASE ресми сайтына сілтеме жасаған KAZ.NUR.KZ.

KASE ақпараты бойынша, қазір Қазақстанда доллар бағамының орташа көрсеткіші - 463,09 теңге. Алдында өткен саудадан бері доллар бағамы 1,99 теңгеге өскен.

NUR.KZ сайтындағы айырбас бағамы туралы мәліметке сүйенсек, қазақстандық екінші деңгейлі банктерде доллардың теңгеге шаққандағы бағасы мынадай:

• Алматыда: 1 долларды сатып алу бағасы – 458,5-462 теңге, сатылым бағасы – 463,5-464,5 теңге;
• Астанада: сатып алу бағасы – 458,5-460 теңге, сатылым бағасы – 464-464,5 теңге.

Kurs.kz дерегі бойынша, қазақстандық айырбастау бөлімдерінде доллар бағамы мынадай:

• Алматыда: сатып алу бағасы – 460,9-461,3 теңге, сатылым бағасы – 463,3-463,5 теңге;
• Астанада: сатып алу бағасы – 457-461 теңге, сатылым бағасы – 465-466 теңге.

Бұл ретте кеше, 23 қарашада доллар бағамы шамамен 4 теңгеге күрт өскенін еске салайық.