Қазақстанда сұйытылған газдың шекті бағасы бекітілді
Жарияланған күні:
Қазақстанның Энергетика министрлігі сұйытылған мұнай газының шекті бөлшек бағасын бекітті. Белгіленген бағалар 2024 жылғы 1 қаңтардан бастап күшіне енеді. Бұл туралы KAZ.NUR.KZ тілшісі НҚА эталондық бақылау банкіне сілтеме жасап хабарлайды.
"Қазақстан Республикасының аумағындағы автогаз құю станциялары үшін Қазақстан Республикасының ішкі нарығына сұйытылған мұнай газын беру жоспары шеңберінде тауар биржаларынан тыс сұйытылған мұнай газын бөлшек саудада өткізудің шекті бағалары бекітілсін", - делінген жарияланымда.
Бекітілген бағалар 1 қаңтардан бастап күшіне енеді. Олар мынадай:
- Астана – 76 теңге;
- Алматы – 81 теңге;
- Шымкент – 64 теңге;
- Алматы мен Солтүстік Қазақстан облыстары – 81 теңге;
- Атырау, Ақтөбе, Маңғыстау облыстары – 54 теңге;
- Ақмола, Шығыс Қазақстан, Қостанай, Қарағанды облыстары – 76 теңге;
- Абай, Жетісу, Ұлытау облыстары – 76 теңге;
- Жамбыл облысы – 71 теңге;
- Батыс Қазақстан, Қызылорда, Түркістан облыстары – 64 теңге;
- Павлодар облысы – 74 теңге.
Сондай-ақ облыс орталығынан шалғай аудандарға қосылған құн салығы бар шекті бөлшек сауда бағасы (200 км-ден астам) 5 теңгеге жоғары болатыны атап өтілген.
Еске салайық, Қазақстанда кейінгі екі жылда газ тапшылығы бірнеше рет болған еді.
Мақаланың түпнұсқасы: https://kaz.nur.kz/nurfin/economy/2052691-qazaqstanda-suiytylgan-gazdyn-sekti-bagasy-bekitildi/
Жарияланымға реакцияңыз?
Соңғы пікірлер
Барлық пікір саны: 1
Талқылауға қатысу немесе пікірлерге реакция қалдыру үшін профиліңізге кіріңіз.
Мен Кентау қаласында тұрамын. Бізде мысалға Түркістан облыс орталығы Түркістанда Газ құю станциясы жоқ барлығы Шымкент қаласында орналасқан. Шымкент Түркістанда сұйылтылған газдың бір литрі 64 теңге бекітілген бізде Кентау қаласында баға 64 теңге бізге Шымкенттен келеді газ. Кентау мен газ құю станциясының арасы 240 шақырым. Ал енді облыс орталығынан 200 километрден асса 69 теңге бекітілген Түркістан мен Кентаудың арасы 25ақ километр біз Шымкенттен тасимыз 240км жерден себебі Түркістанда газ құю станциясы жоқ 69 теңгеге қойып сатайын десек Антимонополия сатқызбайды. Жолға бір килограмына 10 теңге төлейміз 64 теңгеден сатқанға ақтамай жатыр соның бір шешімін қарасаңыздар
АлмасСейд