Қазақстанда 1 млн теңгені қаншалықты тез жинауға болады

Қазақстанның кейбір өңірінде орташа жалақының 10 пайызын жинасаңыз, миллион теңге үнемдеуге төрт жылдан астам уақыт кетеді, ал кей жерлерде одан азырақ шығады екен. Бұл туралы KAZ.NUR.KZ хабарлайды.

2023 жылдың аяғында Қазақстандағы орташа атаулы жалақы 400 мың теңгеге жуықтады. Әрине, мұндай соманы барлық қызметкер ала бермейді. Сонымен қатар көптеген сарапшы орташа жалақының орнына медианалық жалақыны пайдаланады, бұл шынайылау көрсеткіш.

Медианалық жалақы – қызметкерлердің жалақы шкаласындағы шартты орта көрсеткіш. Мәселен 2023 жылы ол небәрі 251 356 теңгеге тең болды. Демек жұмыс істейтін қазақстандықтардың жартысы осы сомадан аз алса, екінші жартысы көп алады.

Осы көрсеткішке сүйене отырып, Экономикалық зерттеулер институтының (ERI) сарапшылары ай сайын орташа жалақының 10 пайызын үнемдеу арқылы ел тұрғындарына 1 миллион теңгені жинауға қанша уақыт қажет болатынын анықтауды ұйғарды.

Орташа номиналды жалақыға ұқсастық бойынша Қазақстанның әр аймағындағы медиандық жалақы әртүрлі екенін ескерген жөн. Мысалы Ұлытау өңірінде 2023 жылы медиана 392 283 теңге.

Алматыда бұл көрсеткіш – 283 280 теңге, Астанада – 297 332 теңге, Шымкентте – 215 906 теңге. Солтүстiк Қазақстан облысының "орташа" тұрғыны ең аз жалақы алады – бар болғаны 187 125 теңге.

Осылайша, ай сайын орташа жалақының 10 пайызын жинап отырса, Ұлытау өңірінің тұрғынына миллион теңге жинау үшін бар болғаны 2,1 жыл қажет болады. Алматылықтар 2,9 жыл, ал астаналықтар 2,8 жыл жинауы керек.

Шымкентте миллион жинау үшін 3,9 жыл қажет. Алматы мен Жамбыл облысының тұрғындарына да дәл осындай сома қажет болады.

Егер азамат Жетісу өңірінде тұрса, оған 4,2 жыл қажет болады. Ал Солтүстік Қазақстан облысының тұрғыны медиандық жалақының оннан бір бөлігін үнемдей отырып, миллион жинау үшін 4,5 жыл, яғни ең ұзақ жұмыс істеуі керек.

Айта кету керек, есептеу кезінде сарапшылар банк депозитін ашу мүмкіндігін есепке алмаған. Ағымдағы пайыздық мөлшерлемелерді ескере отырып, депозиттегі миллионды әлдеқайда жылдам жинауға болады.