Қазақстанда доллар бір күн ішінде үш теңгеге арзандады

Қазақстан қор биржасындағы сауда қорытындысы бойынша, кейінгі 24 сағатта АҚШ валютасы 2,4 теңгеге төмендеген, деп хабарлайды KASE-ге сілтеме жасаған KAZ.NUR.KZ.

4 мамырда KASE-тегі сауда қорытынды бойынша, АҚШ доллары 2,44 теңгеге құлдырады. Бүгінде доллар 441,66 теңге тұрады.

Соңғы айда АҚШ доллары 4,80 теңгеге арзандады.

KAZ.NUR.KZ сайтының айырбас бағамындағы ақпаратқа сүйенсек, Қазақстанның екінші деңгейлі банктерінде доллар бағасы мынадай:

• Алматыда: АҚШ долларын сатып алу құны – 438-442 теңге, сату құны – 442-444 теңге;
• Астанада: сатып алу құны – 438-440 теңге, сату – 442-443,5 теңге.

Қазақстандық айырбастау орындарында, Kurs.kz мәліметіне сәйкес, долларды мынадай бағамен сатып алуға және сатуға болады:

• Алматыда: АҚШ долларын – 442-442,6 теңгеге сатып алуға, 443,5-444 теңгеге сатуға;
• Астанада: долларды 440-441 теңгеге сатып алуға, 445-446 теңгеге сатуға болады.