Еңбек министрлігі жұмыс берушілер ең көп жалақы ұсынатын мамандықтарды атады
Жарияланған күні:
![Еңбек кітапшасы Еңбек кітапшасы](https://cdn.nur.kz/images/1120x630/79f537946fc3ef6f.jpeg)
Маусымда электронды еңбек биржасында 94,4 мың бос жұмыс орны жарияланған. Олардың кейбірі 600 мың теңгеден астам жалақы ұсынылған. Мұндай жалақының кімдерге уәде етілгенін KAZ.NUR.KZ журналистері анықтады.
Электрондық еңбек биржасында (ЭЕБ) жарияланған бос жұмыс орындарында жұмыс берушілер ұсынатын орташа жалақы шамамен 250 мың теңге. Дегенмен кейбір мамандарға әлдеқайда көп төлеуге дайын.
Мысалы, Еңбек және халықты әлеуметтік қорғау министрлігінің деректері бойынша 2024 жылдың маусым айында ЭЕБ-да 94,4 мың бос жұмыс орны және 88,9 мың түйіндеме жарияланған.
Маусымда білікті үміткерлер арасында ең танымал мамандықтар жүргізуші (1,7 мың бос орын), медбикелер (1,6 мың бос орын) және мұғалімдер (1,5 мың бос орын) болды. Ал жұмыс берушілер тарапынан PR-менеджерлерге (плюс 1,2 мың бос орын), іс жүргізушілерге (плюс 948 бос орын) және автоматтандыру инженерлеріне (плюс 235 бос орын) сұраныс артты.
Бұл ретте маусым айында бас құрылысшыларға – орта есеппен 662 мың теңге, тоннель жұмысшыларына – 612 мың теңге шамасында, сондай-ақ IT қосымшаларын әзірлеушілерге орта есеппен 563 мың теңгеден жоғары жалақы ұсынылды.
Жұмыс іздеп жүргендерге келетін болсақ, (топ-менеджерлерді есепке алмасақ), маусым айында ең көп жалақыны ұшқыштар сұраған – орта есеппен 1 млн теңге, кеме капитандары – 933 мың теңге, сондай-ақ коммерциялық кәсіпорындардың құрылымдық бөлімше басшылары – шамамен 920 мың теңге.
Еске сала кетейік, бұған дейін Қазақстандағы жұмыс берушілер әлеуетті қызметкерлеріне ұсынатын жалақыны кезең-кезеңімен арттырып жатқаны белгілі болған.
Мақаланың түпнұсқасы: https://kaz.nur.kz/nurfin/2138613-94-4-myng-bos-zhumys-orny-engbek-birzhasy-qandai-zhalaqy-usynady/