Қазақстанда көпбалалы отбасыларға жәрдемақы қалай төленеді

Егер қазақстандық отбасында төрт және одан да көп бала болса, онда олар арнайы жәрдемақы алуға құқылы. Оның үстіне әрбір жаңа туған нәресте үшін төлем өседі. Толығырақ KAZ.NUR.KZ материалынан оқыңыз.

Қазақстанда төрт және одан да көп кәмелетке толмаған балалары мен 23 жасқа дейінгі күндізгі бөлімде оқитын студенттері бірге тұратын отбасы көпбалалы болып саналады. Мемлекет мұндай отбасыға көпбалалы болғаны үшін жәрдемақы тағайындайды. Бұл ретте үй шаруашылығының кірісі ешқандай рөл атқармайды.

Еңбек және халықты әлеуметтік қорғау министрлігінің мәліметінше, 2024 жылы төрт балаға берілетін жәрдемақының "бастапқы" мөлшері 16,03 айлық есептік көрсеткішке тең (АЕК), яғни бір балаға 59 183 теңге немесе 14 796 теңге болды.

Алайда көпбалалы отбасында көп бала дүниеге келсе, жәрдемақы ұлғаяды, ал оның ең жоғарғы мөлшері жоқ.

• 4 баласы бар отбасыларға – 16,03 АЕК немесе 59 183 теңге;
• 5 балаға – 20,04 АЕК немесе 73 988 теңге;
• 6 балаға – 24,05 АЕК немесе 88 793 теңге;
• 7 балаға – 28,06 АЕК немесе 103 598 теңге;
• 8 және одан да көп баласы бар отбасыларға әр балаға 4 АЕК немесе 14 768 теңге мөлшерінде төленеді.

Айта кетейік, 2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7 пайызға артқан. Биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.