Қазақстанда екі бірдей жәрдемақы көлемі артуы мүмкін
Жарияланған күні:
Қазақстанда еңбекке қабілеттіліктен айырылу және асыраушысынан айырылу жағдайлары бойынша төленетін жәрдемақы көлемін арттыру ұсынылды. Бұл туралы "Ашық НҚА" порталындағы Еңбек министрлігі қаулысының жобасына сілтеме жасаған KAZ.NUR.KZ хабарлайды.
"2025 жылғы 1 қаңтарға дейін Мемлекеттік әлеуметтік сақтандыру қорынан тағайындалған еңбекке қабілеттіліктен айырылу және асыраушысынан айырылу жағдайлары бойынша төленетін әлеуметтік төлемдердің мөлшерлерін 2025 жылғы 1 қаңтардан бастап алатын әлеуметтік төлемдердің мөлшерінен 6,5 пайызға арттыру жүргізілсін.
Қаулы алғашқы ресми жарияланған күнінен бастап, бірақ ерте дегенде 2025 жылғы 1 қаңтардан бастап қолданысқа енгізіледі", - делінген хабарламада.
Құжат 17 қыркүйекке дейін қоғамдық талқылауға шығарылған.
Еске салсақ, бұған дейін Қазақстанда көпбалалы отбасыларға жәрдемақы қалай төленетіні туралы жазған едік.
Еңбек және халықты әлеуметтік қорғау министрлігінің мәліметінше, 2024 жылы төрт балаға берілетін жәрдемақының "бастапқы" мөлшері 16,03 айлық есептік көрсеткішке тең (АЕК), яғни бір балаға 59 183 теңге немесе 14 796 теңге болды. Алайда көпбалалы отбасында көп бала дүниеге келсе, жәрдемақы ұлғаяды, ал оның ең жоғарғы мөлшері жоқ.
Мақаланың түпнұсқасы: https://kaz.nur.kz/nurfin/2156757-qazaqstanda-eki-birdei-zhardemaqy-kolemi-artuy-mumkin/
