"Елорда жастары" жеңілдетілген ипотекалық несиеге өтінім қабылдау басталады

"Елорда жастары" жеңілдетілген ипотекалық несиеге өтініш қабылдау 30 мамырда басталады. Бұл туралы қалалық әкімдіктің "Тұрғын үй қоры" КММ ресми сайтында хабарлады.

Ведомствоның мәліметінше, өтінімдер 30 мамыр сағат 9.00-ден бастап 6 маусым сағат 23.59-ға дейін қабылданады.

Өтінімді qatysu.zhilfond.kz портал арқылы беруге болады.

Бағдарлама аясында "Отбасы банкі" АҚ арқылы елордадағы бастапқы не қайталама нарықтан ипотекаға пәтер сатып алуға болады.

Бағдарламаның шарттары:

• қарыздың ең жоғарғы сомасы – 18 млн. теңге;
• бастапқы жарна– 10%;
• жылдық паызы - 5% ;
• несиелеу мерзімі 25 жылға дейін;

Жалпы талаптар:

• өтінім берген сәтте жасы 35-ке толмауға тиіс;
• соңғы 1 жылда Астана қаласында тұрақты үздіксіз атаулы тіркеудің болуы;
• бағдарламаға қатысушының және оның отбасы мүшелерінің Қазақстан аумағында соңғы 5 жыл ішінде жылжымайтын мүлігі болмауы керек;
• өтініш берушінің таңдалған саладағы ресми жұмыс өтілі соңғы бір жылдан кем емес;
• жинақталған сомасы 1.8 млн теңгеден кем емес "Отбасы банк" АҚ-да депозиттік шотының болуы;
• әрбір мүшесіне соңғы 6 ай үшін еңбек немесе кәсіпкерлік қызметтен ең төменгі күнкөріс деңгейінің 6 еселенген шамасына дейінгі кірісінің болуы керек.

Аталған бағдарламаға денсаулық сақтау, білім беру, мәдениет, спорт, әлеуметтік сала, ЖОО мен ҒЗИ, БАҚ қызметкерлері, Астана қаласының коммуналдық кәсіпорындарының/ мекемелерінің бейінді қызметкерлері, Астана қаласында "Жетім балалар" санаты бойынша тұрғын үй кезегінде тұрған 35 жасқа дейінгі азаматтар, полиция департаменті мен төтенше жағдайлар департаменті қызметкерлері қатыса алады.

Мәтіннен қате тапсаңыз, бізге жазыңыз