Алтын – 30 жыл: Қазақстанның негізгі пайдалы қазбалар қоры қанша жылға жетеді

Өнеркәсіп және құрылыс министрлігі елімізде негізгі пайдалы қазбалар қоры туралы мәліметтерді жариялады. Бұл туралы ведомствоға сілтеме жасаған KAZ.NUR.KZ хабарлайды.

Министрліктің мәліметінше, Қазақстан – табиғи ресурстарға бай ел болып қала береді.

Соңғы деректерге сәйкес, қазіргі өндіру көлемін ескерсек, негізгі пайдалы қазбалармен қамтамасыз етілу мерзімі мынадай:

• Алтын – 30 жыл;
• Мыс – 38 жыл;
• Қорғасын – 156 жыл;
• Темір кендері – 957 жыл;
• Көмір – 350 жыл.

Сол сияқты тұрақтылық марганец, титан, молибден және басқа да стратегиялық маңызды пайдалы қазбалар бойынша да байқалады.

"Бұл – қазбаларды ұтымды пайдаланып, геологиялық барлау жұмыстарын жүйелі жүргізу арқылы Қазақстан өз ресурстық әлеуетін сақтап қана қоймай, жаһандық шикізат нарығындағы орнын одан әрі нығайта алады деген сөз.

Ресурстық база тұрақтылығы – инвестиция тартудың, тау-кен өнеркәсібін дамытудың және елдің экономикалық қауіпсіздігін қамтамасыз етудің негізгі тірегі", - делінген хабарламада.

Мәтіннен қате тапсаңыз, бізге жазыңыз