Қаржы министрі азық-түлік қымбаттағанын өзі де сезінгенін айтты

Қаржы министрі Мәди Такиев мәжіліс кулуарында дүкендердегі бағалар туралы пікір білдіріп, бағаның өскенін өзі де сезінгенін мойындады, деп хабарлайды KAZ.NUR.KZ тілшісі.

Журналистер министрден қандай да бір тауар бағасының өскенін байқаған-байқамағанын сұрады.

"Иә, мысалы, азық-түлікке қатысты. Бәріміз базарға да, дүкенге де барамыз, біз (бағалардың өсіп жатқанын) байқап отырмыз. Мен кеше балалармен дүкенге бардым, олар Twix қымбаттағанын айтты", - деді министр.

Сонымен қатар БАҚ өкілдері Мәди Тәкиевтен "қаржы министрі ретінде мемлекеттік қызметкерлердің ғана емес, жеке сектордағы қызметкерлердің де жалақысын көтеру туралы бастама көтере ме" деп сұрады.

"Бұл азаматтық-құқықтық қатынастар, біз бизнес қызметіне араласа алмаймыз. Бірақ менің білуімше, барлық ірі бизнестің әлеуметтік міндеті бар, олар 13 және 14-айлық жалақы төлейді", - деді ол.

Мәтіннен қате тапсаңыз, бізге жазыңыз