Каспий құбыр консорциумы мұнай жөнелтуді қалпына келтірді: жөндеу жұмыстары аяқталды

Каспий құбыр консорциумы өкілдері Теңіз терминалындағы негізгі нысандардың бірі – ВПУ-3 сыртқа шығарылған айлақ құрылғысын жөндеу жұмыстарының аяқталғанын мәлімдеді, деп хабарлайды KAZ.NUR.KZ.

КҚК мәліметіне сүйенсек, жоспарлы жұмыстар аясында мамандар су астындағы шлангтар мен құбырларды ауыстырып, кейін гидросынақ жүргізген. Тексеру аяқталған соң құрылғыға мұнай тиеу үшін танкер қойылған.

Консорциум өкілдері жөндеу жұмыстары күрделі ауа райы мен гидрологиялық жағдайларда жүргізілгенін атап өтті. Қатты суасты ағыстары салдарынан сүңгуірлерге жұмысты бірнеше рет тоқтатуға тура келген. Сондай-ақ ВПУ-2 уақытша пайдаланудан шығарылғаннан кейін жөндеу мерзімдері қайта қаралған.

Қазіргі уақытта Теңіз терминалында мұнай тиеу жұмыстары штаттық режимде ВПУ-1 және ВПУ-3 арқылы жалғасып жатыр. КТК мұндай айлақ кешендеріндегі шлангтарды қауіпсіз жұмысты қамтамасыз ету үшін, әдетте, кемінде жылына бір рет ауыстырып отыратынын еске салды.

Айта кетейік, бастапқыда ВПУ-3 жөндеуін 2025 жылдың желтоқсанында аяқтау жоспарланған. Бұл құрылғы Қазақстан мұнайын экспорттау үшін аса маңызды нысан болып саналады.

Мәтіннен қате тапсаңыз, бізге жазыңыз