"Салық 20 пайызға аз": қазақстандық кәсіпкерлерді қандай өзгерістер күтіп тұр

Қазақстанда жаңа Салық кодексі қолданысқа енуіне байланысты салықтық әкімшілендіру тәсілдері өзгереді – ондағы талаптар жеңілдей түседі, деп хабарлайды үкіметке сілтеме жасаған KAZ.NUR.KZ.

Қазақстан үкіметінің Telegram-арнасында жарияланған ақпаратқа сәйкес, жаңа Салық кодексінде салықтық әкімшілендіруді жаппай оңайлату көзделген:

• есептілік 30 пайызға, салық 20 пайызға аз;
• салықтық жеңілдіктер мен алымдарды оңтайландыру;
• салықтық әкімшілендірудің жаңа тәсілдері.

"Салықтық әкімшілендіруде де тәсілдер өзгереді. Бүгінгі күні, егер салық берешегін барлық мәжбүрлеп өндіріп алу шарасы 6 АЕК шегінен бастап қолданылса, онда жаңа Салық кодексінде шара қолдану берешек мөлшеріне байланысты.

Маңызды мәселе — қарыз аз болса, бизнестің барлық қызметі бұғатталмайды. Егер ол 20 АЕК-ке дейінгі соманы құраса, онда тек салық берешегінің бар екендігі туралы құлаққағыс жіберіледі. Егер сома 20-дан 45 АЕК-ке дейін болса, онда хабарлама жіберіліп, ол өтелмеген жағдайда банктік шот бойынша шығыс операциялары тоқтатылып, инкассалық өкім қойылады. Егер берешек сомасы 45 АЕК-тен асатын болса, онда сауда-саттыққа шығарылатын мүлік тізімделеді. Сондай-ақ борышкердің дебиторлары есебінен берешекті өндіріп алу жұмысы жүргізіледі, - деді Ерлан Сағынаев.

Мәтіннен қате тапсаңыз, бізге жазыңыз