Салық органдары қазақстандықтардың банк шоттарындағы ақшасын тексеруі мүмкін

Мемлекеттік кірістер органдарына қазақстандықтардың банк шоттарын тексеруге рұқсат берілуі мүмкін. Осылайша мемлекеттік орган азаматтардың шотындағы қалдық қаражатты және олардың қалай жұмсалатынын біле алады. Бұл заң кімге әсер ететіні туралы KAZ.NUR.KZ материалынан оқыңыз.

Қаржы министрлігі бұйрық жобасын әзірледі, оған сәйкес үкімет банктерді клиенттері туралы белгілі бір ақпаратты беруге міндеттеуі мүмкін.

Бұйрық күшіне енсе, банктер мемлекеттік кіріс органдарына келесі мәліметтерді беруге міндетті:

• шоттардың бар екені және олардың нөмірлері туралы;
• қаражаттарының қалдықтары мен қозғалысы туралы;
• несиелері туралы;
• 20 000 айлық есептік көрсеткіштен асатын мүлік сатып алғандардың қаражат қалдықтары мен қозғалысы туралы (2025 жылы 78 640 000 теңгеден жоғары сома).

Бұл норма активтер мен міндеттемелер (250.00-нысан) және кірістер мен мүлік (270.00-нысан) туралы декларацияны тапсыруға тиіс тұлғаларға қатысты болады.

Жаңа ережелер азаматтардың кірістері мен мүлкін тексеруді жеңілдетеді, салықты әділ салуды қамтамасыз етеді, бюджет кірістерін арттырады және көлеңкелі экономиканы азайтады деп күтілуде.

Бұйрық жобасы 2025 жылдың 9 қыркүйегіне дейін қоғамдық талқылауда.

Мәтіннен қате тапсаңыз, бізге жазыңыз