Жұманғарин көлік, қойма және пошта қызметіне арналған оңайлатылған салық режимі туралы айтты

Жаңа Салық кодексін түсіндіруге арналған семинар барысында вице-премьер Серік Жұманғарин көлік, қоймаға сақтау және жалға беру сияқты салаларға қандай тәсіл қолданылатынын айтты. Бұл туралы үкіметтің баспасөз қызметіне сілтеме жасаған KAZ.NUR.KZ хабарлайды.

Серік Жұманғаринның айтуынша, мұнда оңайлатылған салық режимін қолдануға толық тыйым немесе рұқсат болмайды. Бизнестің ауқымына қарай бірте-бірте алмастыра отырып жүзеге асыру, яғни "градация қағидатын" енгізу жоспарланып жатыр.

Вице-премьердің түсіндіруінше, критерийлер ЭҚЖЖ анықтамалығына сәйкес нақты қызмет түріне байланысты болады. Негізгі мақсат – шағын бизнесті бір саладағы ірі бизнестен бөліп алу.

"Әрине, бәрі көлік түріне байланысты болады. Егер кәсіпкер жеке қызмет көрсетсе, оған рұқсат етіледі. Ал белгілі бір градация үшін бұл жалпыға бірдей белгіленген режимге көшу қажет болатын қызмет түріне жатады", - дейді премьер-министрдің орынбасары – ұлттық экономика министрі Серік Жұманғарин.

Айта кетелік, бүгінгі семинарда Серік Жұманғарин оңайлатылған салық режимінде жұмыс істеп келген кәсіпкерлердің басым бөлігі үшін жағдай өзгермейтінін айтқан еді.

Мәтіннен қате тапсаңыз, бізге жазыңыз