"Кішігірім бақ та бар": Лондонда ені 2 метр болатын үй сатылымға қойылды

Лондонның оңтүстік-батысындағы Баттерси аймағында ені 2 м 13 см болатын үй сатылымға қойылды. Ерекше ғимараттың құны 1 миллион еуроға бағаланып отыр деп хабарлайды KAZ.NUR.KZ realt.onliner.by-ге сілтеме жасап.

Ені 2 м болса да, үйдің жалпы ауданы 98 шаршы метрді құрайды. Үйдің бірінші қабатында қонақ бөлме, екі жатын бөлме, ас үй, асхана, жуынатын бөлме және киім ауыстыратын бөлме бар. Екінші қабатта тағы екі жатын бөлме және мансард орналасқан.

Үйдің аумағында кішігірім бақ бар.

Баспананың қазіргі қожайыны оны 2014 жылы 837,5 мың еуроға сатып алған. Иесі үйде өмір сүруге қажеттінің бәрі бар екенін айтады.

Үйге дизайнердің қадағалауымен жөндеу жұмыстары жүргізілген. Баспана жиһазбен бірге сатылады. Лондонда осындай екінші нысанды табу қиынға соғады. Мұндай жылжымайтын мүлік үшін 1 миллион еуро өте тиімді баға болып саналады екен.

Естеріңізге сала кетейік, бұған дейін құны 1 млн доллар тұратын зәулім үйлер жайлы жазған болатынбыз.

Әлеуметтік желі қолданушысы риэлторлық сайттардың көмегімен әртүрлі америкалық штаттардан сатып алуға болатын жылжымайтын мүліктің тізімін құрастырған.

Аумағы 300 шаршы метрден асатын 4-5 бөлмелі ғимараттардың дизайны кез келген жагды қызықтырмай қоймасы анық.

Мәтіннен қате тапсаңыз, бізге жазыңыз