Нұрсұлтан Назарбаев: Қазақтар той десе ішкен асын жерге қояды

Опубликовано:

Астананың келешек дамуы жөніндегі жиналыс барысында елорданың 20 жылдығы басты тақырыптардың біріне айналды. Нұрсұлтан Назарбаев қазақстандықтардың мерекелік күндерді жақсы көретінін айтып өтті деп хабарлайды NUR.KZ.

Фото: nur.kz
Фото: nur.kz: UGC

Әсет Исекешев президент алдынды есеп беру кезінде, Астанада 645 мерекелік іс-шара жоспарланып қойғанын хабарлады. Олардың ішіндегі ең маңыздылары:

5 шілде – қаржы орталығының халықаралық презентациясы. Бұл іс-шараға көптеген саяси және іскер тұлғалар шақырылған;

4 шілде – әлемдік исламдық экономикалық форум;

3 шілде – Жібек жолы мемлекеттерідегі қалалар әкімдерінің форумы.

Ең басты жобалардың бірі - Мәдениет министрлігінің ұйымдастыруымен өтетін астаналар шеруі. Іс-шараға қатысуға Мәскеу, Бейжің және Анкара өз келісімдерін берген.

Астана әкімінің айтуынша, мамыр, шілде және маусым айларында болатын іс-шаралар толығымен жоспарланып қойылған.

«Біз бәріміз мейрамдарды жақсы көреміз. Той десе қазақтар ішкен асын жерге қояды. Көптеген облыстар қатысқысы келетіндерін айтты, бәрі өз орнымен өту керек, асыра сілтеудің қажеті жоқ», - деді ел президенті.

Мақаланың түпнұсқасы: https://kaz.nur.kz/politics/1725116-nrsltan-nazarbaev-kazaktar-toj-dese-isken-asyn-zerge-koady/