34 әскери азамат пен бір нәзік жанды: Назарбаев әскерилерді марапаттады

Үшінші мамыр күні Ақордада әскери марапаттар мен атақтарды табыстау рәсімі өтті. Нұрсұлтан Назарбаев оларды 35 әскери азаматқа табыстаған деп хабарлайды NUR.KZ.

Іс-шараға Бақытжан Сағынтаев, Қасым-Жомарт Тоқаев, Нұрлан Нығматулин, Кәрім Мәсімов, Қалмұханбет Қасымов пен Сәкен Жасұзаков бастаған шенеуніктер жиналды.

"Мұндай үлкен құрметке әскер өкілдері, бейбітшілікті сақтайтын қызмет өкілдерінің ішіндегі ең үздіктері лайық", - дейді Нұрсұлтан Назарбаев.

Бүгінде президенттің қолынан марапатты 35 адам алады - олардың 34-і ер адам, ал біреуі нәзік жанды.

22 әскери қызметкер жоғары әскери атаққа ие болды. Президент олардың әрқайсысын марапаттап, қол алысты.

Екінші деңгейлі "Данқ" ордені Мұхамедхан Таласовқа, Марат Құсайыновқа, Мұхаметқали Сатовқа және Қайрат Жақыпбаевқа бұйырды.

Бірінші деңгейлі "Айбын" орденін Дулат Құрмашев пен Асхат Төлеуов алды.

Ал екінші деңгейлі "Айбынды" Жасұлан Жақыпов, Андрей Калинин мен Дмитрий Пластовец иеленді.

Залдағы жалғыз нәзік жанды Эльмира Омароваға бір шоқ гүл мен "Құрмет" ордені табысталды.

"Ерлігі үшін" медалін Ғалымжан Әлеуханов пен Виталий Калмыков алған.

Ал "Жауынгерлік ерлігі үшін" медалі Нұрлан Залмұқановқа бұйырды.

Полицияның генерал-майоры атағы Абисатов Махамбет Қайыржанұлына, Баймурзин Арманбек Хакімбекұлына, Қабденов Мұрат Талапұлына, Сүлейменов Жанат Қуанышұлына берілді.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98