RU

Конституциялық кеңес Назарбаевтың өтінішіне жауап берді

Конституциялық кеңес президенттің өкілеттігін мерзімнен бұрын тоқтату жөніндегі өтінішіне жауап берді. Бұл туралы ведомствоның ресми сайтында хабарланған деп жазады NUR.KZ.

Фото: akorda.kz
Фото: akorda.kz: Twitter

Қабылданған шешім бүгін, 15-ші ақпан күні жария етілді.

Осыған дейін хабарланғандай, мемлекет басшысының өтінішінде:

"Конституцияның 42-бабының 3-тармағында белгіленген Қазақстан Республикасы Президентінің өкілеттігін мерзімінен бұрын тоқтату негіздерінің тізбесі толық болып табылады ма?" , - деген сұрақ қойылған болатын.
"Конституциялық Кеңес аталған нормада президенттің өкілеттігін мерзімінен бұрын тоқтату негіздері толық емес деп түсіндірді.

Кеңестің пікірінше, негізгі Заңнан мемлекет басшысының отставкаға шығу құқығы туындайды.

Аталған құқық президенттік басқару нысаны мен Республика президентінің конституциялық мәртебесінің элементі болып табылады. Ол адам әрі Қазақстан азаматы ретінде президентке тиесілі және әр тұлғаның конституциялық құқықтарын, соның ішінде еңбек ету бостандығына, қызмет пен кәсіп түрін еркін таңдауына құқығын бекітетін Конституцияның басқа да ережелерінен туындайды (13-баптың  1-тармағы, 24-баптың 1-тармағы және т.б.).

Конституциялық Кеңес Конституция 42-бабының 3-тармағындағы "сондай-ақ президент қызметінен мерзімінен бұрын босатылған...жағдайда..." деген сөз тіркесі оның өкілеттігін мерзімінен бұрын тоқтатудың негізі ретінде мемлекет басшысының отставкаға шығуын да қамтиды деп есептейді", - делінген хабарламада.

Нормативтік қаулының толық мәтіні баспасөзде жарияланбақ.

Мақаланың түпнұсқасы: https://kaz.nur.kz/politics/1778899-konstitucialyk-kees-nazarbaevty-tinisine-zauap-berdi/