Назарбаев әйелдер қауымын Ақордаға жинап, ерекше әңгіме-дүкен құрды (фото)

Нұрсұлтан Назарбаев Ақордада әйелдер қауымдастығының мүшелерімен кездесті. Елбасы барша қыз-келіншектер мен Қазақстан азаматшаларын келе жатқан 8 наурыз мерекесімен құттықтап, көбірек армандауға шақырды деп жазады KAZ.NUR.KZ.

Президент 8 наурыз мерекесін әйелдердің сұлулығы, махаббаты мен отбасылық құндылықтарын бағалайтын әрі мақтан тұтатын күн деп атады.

"Адамзаттың мықты өкілдері сіздерді қуантып, барынша таңғалдыруға тырысып жатыр. Бастысы тырысып жатқаны ғой, солай емес пе? Әйел адамның ойынан шығу аса маңызды. Егер 8 наурызға қалаған сыйлығыңызды ала алмасаңыз, көбірек армандап, қолыңды барынша жеткізуге талпыну керек" , - деді Назарбаев.

Елбасы әйелдерге қатысты қызықты статистиканы мысалға келтірді.

Оның сөзінше, қыз-келіншектер айнаның алдында 120 сағат отырып, өмірінің 17 жылын диета ұстауға арнайды екен.

Назарбаев "Құдай ер адамды жаратқан соң өзінің күші жетерлік екеніне көз жеткізіп, әйелді жасап шығарғанын" мәлімдеді.

"Орта есеппен алғанда әрбір отбасыда үш бала тәрбиеленіп отыр. Жылына 400 мың сәби дүниеге келеді. Балалар - шексіз байлық. Олар ата-анасының ғана емес, елінің де мақтанышы әрі болашағы.

Сол себепті, барша аналар, әсіресе көпбалалылар марапаттың барлық түріне ие. Сіздерге мың алғыс. Бұл аса ауыр еңбек. Олар өз халқының санын көбейтіп жатыр" , - деді Елбасы.

Бұл кездесу барысында президент әйелдер қауымымен көп қалжындасты. Ол Фаину Раневскаяның "әйел адам аяғы әдемі жігітті көрсе, есін жоғалтпас еді" деген сөзін еске алды.

Оған қоса, Назарбаев орын алған келіспеушілікте әйелдерін кінәлайтын ер адамдарға қатысты әзіл айтты.

"Ер адамдардың көбіне үкімет пен әйелінің ақшаны қалай жұмсайтыны ұнамай жатады. Алайда, бұл жағдайда үкіметті ғана сынауға ерлігі жетеді" , - деді ол.

Өз қалжындарымен президент жиынға қатысқан әйелдердің күлкісіне себепкер болды. Мемлекет басшысы әйелдердің күлікісінің арқасында ерлерден ұзақ өмір сүретінін айта кетті.

Мәтіннен қате тапсаңыз, бізге жазыңыз