Cи Цзиньпин жүздеген қытайлықтардың алдында Назарбаевты құшақтады

Бейжіңдегі халықтық жиындар үйінде ҚХР басшысы Си Цзиньпиннің Қазақстан тұңғыш президентін арнайы орденмен марапаттаған сәтін тамашалау үшін жүздеген қытайлықтар жиналды деп хабарлайды KAZ.NUR.KZ.

Мерекелік шара оркестр, әскери қызметкерлер мен көптеген қонақтардың қатысуымен, үлкен залда өтті.

Назарбаев пен Си кіріп келгенде, бәрі оларға орнынан тұра қол шапалақтады.

Си Цзиньпин бірінші болып сөз бастады. Ол Назарбаевты баяғыдан бері келе жатқан жақсы досы екенін айтқан.

"Біз бұл мерекелік шараны қытай халқының жақсы досы Қазақстанның тұңғыш президенті Назарбаев мырзаға ішкі жоғары дәрежелі жүлдесі - достық орденін табыстау үшін ұйымдастырып отырмыз.

Президент Назарбаев бүкіл әлемге сыйлы адам. Ол қытай-қазақ стратегиялық серіктестігінің негізін қалаушы болып табылады" , - деді ҚХР басшысы.

Ол Елбасының қасына келіп, оның мойнына алтын орден тағып берді. Си Цзиньпин Назарбаевты қатты құшақтап, бірнеше секундқа қатып қалды.

Қазақстан әнұраны шырқалды.

Назарбаев күлімдеп, Қытай басшысына алғыс білдірді. Ол оған "досым" деп айтты.