Назарбаева мен Мамин Абай Құнанбаев атындағы мектеп-гимназияны ашты
Опубликовано:
Асқар Мамин Нұр-Сұлтан қаласында жаңа №87 мектеп-гимназиясының ашылуына қатысты деп жазады премьер-министрдің ресми сайтына сілтеме жасаған KAZ.NUR.KZ.
![Фото: NUR.KZ Фото: NUR.KZ](https://cdn.nur.kz/images/1120/8c84679f3b8ff857_w.jpeg)
Үкімет басшысы салтанатты рәсім барысында мектепке қазақ халқының ұлы тұлғасы, ақыны әрі ойшылы – Абай Құнанбайұлының есімінің берілуі аса құрметті әрі жауапкершілікті екенін айтты.
Премьер-министр салтанатты шарада цифрландыру мен жасанды зерденің әсерінен бүгінде жаңа мамандықтар пайда болып жатқанын атап өтті.
«Сіздердің білім деңгейлеріңіз заман сұраныстарына сай және бәсекеге қабілетті болуы керек», — деп Асқар Мамин, барлық оқушыларды Білім күнімен құттықтады.
![Фото: NUR.KZ Фото: NUR.KZ](https://cdn.nur.kz/images/1120/8e22b9805b7ab86e_w.jpeg)
Жаңа мектептің техникалық жарақтануына жәрдемдесу мақсатында «Қоғамдық маңызды бастамаларды дамыту қоры» 3D-модельдерді зерттеуге арналған виртуалды-ғылыми секциясы бар «жасыл технологиялар» зертханасын сыйлады.
Оны қордың қамқоршылық кеңесінің төрағасы Әлия Назарбаева мен экология, геология және табиғи ресурстар министрі Мағзұм Мырзағалиев таныстырды.
![Фото: NUR.KZ Фото: NUR.KZ](https://cdn.nur.kz/images/1120/5c87928619691b48_w.jpeg)
Мамин интерактивті жабдықты қолдана отырып оқытудың жаңа әдістерімен танысты. Оқу сыныптарын алдыңғы қатарлы технологиялармен жабдықтау оқушыларға болашақ мамандықтарының дағдыларын дамытуға мүмкіндік береді.
![Фото: NUR.KZ Фото: NUR.KZ](https://cdn.nur.kz/images/1120/25ddff32d3c8b571_w.jpeg)
Бұдан өзге, ашылу салтанаты барысында жаңа мектепке «СарыарқаАвтоӨнеркәсіп» қазақстандық зауыты жаңа үлгідегі мектеп автобусын сыйға тартты.
![Фото: NUR.KZ Фото: NUR.KZ](https://cdn.nur.kz/images/1120/321a86c7ff2dc796_w.jpeg)
![Фото: NUR.KZ Фото: NUR.KZ](https://cdn.nur.kz/images/1120/f0d1935daf923c9a_w.jpeg)
Үкімет басшысы Асқар Мамин жаңа мектепті аралау барысында ұлы Абайдың 175 жылдығына орай ашылған «Абайтану» кабинеті мен мұражайына барды.
Сонымен қатар, №87 мектептің ашылу салтанатына білім және ғылым министрі Асхат Аймағамбетов және Нұр-Сұлтан қаласының әкімі Алтай Көлгінов қатысты.
![Фото: NUR.KZ Фото: NUR.KZ](https://cdn.nur.kz/images/1120/0eaa8e9af9833cad_w.jpeg)
![Фото: NUR.KZ Фото: NUR.KZ](https://cdn.nur.kz/images/1120/ac7acedd7effc48e_w.jpeg)
Мақаланың түпнұсқасы: https://kaz.nur.kz/politics/1813869-nazarbaeva-men-mamin-abaj-knanbaev-atyndagy-mektep-gimnaziany-asty/