"Асығыс қол қоясыздар": Мәжіліс төрағасы қаржы министрін қатаң сынады

Ресей тарапының өкілдері Кеден одағына мүше мемлекеттердің кеден қызметтері біріккен алқасында 10 жұмыс тобының 9-ын басқарады. Мәжіліс депутаттары мұндай "басымдыққа" наразы деп жазады Азаттық рухы.

Басылым мәліметінше, халық қалаулысы Гүлдара Нұрымова мәжіліс отырысында қаржы министрінен жұмыс топтары қызметінің қорытындысы бойынша алқаның қарауына ұсыныстар мен шешімдер шығарылатынын ескере отырып, неге Ресей Федерациясының өкілдері жұмыс топтарына басшылық жасап жүргенін сұраған.

Ерұлан Жамаубаев болса мұндай жағдайдың бар екенін жасырған жоқ.

"Бұл тарихи қалыптасқан (жағдай – ред.), себебі кеден қызметтерінің біріккен алқасының хатшылығы Мәскеуде орналасқан. Ол алқаның, хатшылықтың және жұмыс топтарының қызметін қамтамасыз етеді. Алайда жұмыс топтарында барлық шешімдер консенсуспен қабылданады. Олар алқаға шыққан кезде әр елдің даусы болады. 10 жыл ішінде ешқандай мәселе туындаған жоқ", - деді ол.

Бұл талқылауға мәжіліс төрағасы араласты.

"Мәселе консенсустың қандай түрі емес, бұл жұмыс органы туралы. Ал, хатшылықты қай мемлекеттің өкілі басқарады? Кім? Ресей Федерациясы ма? Біз аппараттың не екенін білеміз. Ерман Мұхтар Тілдабекұлы (бұрынғы депутат) өткен шақырылымда үлкен жұмыс жүргізіп, "тарихи онжылдықтар бойы қаланған" барлық интеграциялық құжаттарда біз тәсілдерді өзгерттік және онда ТМД парламентаралық ассамблеясын қоспағанда, толық ротация бар", - деді Нұрлан Нығматулин.

Мәжіліс төрағасы қаржы министріне бұл мәселені шешу керектігін ескертті.

"10 жұмыс тобының 9-ын басқарады?! Депутат сұрақты дұрыс көтерді. Осыған байланысты мәселелер бар ма? Мұның бәрі шарттық процесс мәселелері. Құжат дайындалып жатқанда, келіссөздер жүргізіліп жатқанда, біздің тарапымыздан "тісі батпайтын" келіссөз жүргізушілер қатысады. "Тарихи қалыптасқан"? Бұл министрдің жауабы ма? Кездесу өтетін күні жарты күн қалғанда келесіздер, асығыс қол қоясыздар. Бұл істі түзетіңіздер!", - деді Нұрлан Нығматуллин.

Айта кетейік, мәжілісте "2011 жылғы 22 маусымдағы Кеден одағына мүше мемлекеттердің кеден қызметтерінің біріккен алқасы туралы шартқа өзгерістер енгізу туралы хаттаманы ратификациялау туралы" заң жобасы қаралып, мақұлданды.