RU

Сенаторлар дипломаттарға қойылатын талаптарды күшейтуді ұсынады

Мәулен Әшімбаев
Мәулен Әшімбаев. Фото: parlam.kz

Дипломатияға үміткерлердің барлығынан тек мемлекеттік емес, сонымен қатар шет тілдерін білуі талап етіледі. Құқық бұзушылықтар үшін дипломатиялық қызмет өкілдері лауазымынан төмендетіліп, тіпті қызметінен айырылатын болады. Сонымен қатар, жеке заттарын жіберу үшін дипломатиялық поштаны пайдалану елшілік қызметкерлеріне және олардың отбасы мүшелеріне тыйым салынған.

Мұндай ұсыныстарды сенаторлар бүгін отырыста "Дипломатиялық қызмет туралы" Заң жобасын қарастыру барысында талқылады.

Сенат Төрағасы Мәулен Әшімбаев осы Заңның ерекше маңыздылығын атап өтті. Отандық дипломатиялық қызмет Қазақстанның халықаралық аренада мүдделерін ілгерілетуде маңызды рөл атқаратынын ескере кетті.

"Құжат еліміздің дипломатиялық қызметінің құқықтық базасын жетілдіріп, реттейді және дипломаттардың өзекті мәселелерін шешуге ықпал етеді.Жоба дипломатия саласының ардагерлерін әлеуметтік тұрғыдан қолдауға бағытталған нормаларды да қамтиды", - деді Мәулен Әшімбаев.

Сондай-ақ құжатта Сыртқы істер министрлігінің Алматыдағы кеңсесінің мәртебесі заңды түрде бекітілді. Оның рөлін арттыру қажет, өйткені қазіргі уақытта ол мегаполисте орналасқан жүзден астам шетелдік дипломатиялық миссиялармен және халықаралық ұйымдармен тығыз жұмыс істейді.

Сенаторлар заң жобасын қабылдаған жоқ, бірақ енгізілген түзетулермен, оның ішінде елшіліктердің қызметкерлеріне жеке заттарды жіберу үшін дипломатиялық поштаны пайдалануға тыйым салатын тармақпен, заңды Мәжіліске кері қайтарды.

Мақаланың түпнұсқасы: https://kaz.nur.kz/politics/1898431-senatorlar-diplomattarga-qoiylatyn-talaptardy-kuseitudi-usynady/