Top.Mail.Ru

Сайт нұсқасы

ru kz

Зектілері

Қазақстан мен Македония сотталған адамдарын алмастырмақшы

Опубликовано:

Кісенделген ер адам
Көрнекі фото: Hendrik Schmidt/picture alliance via Getty Images

Парламент сенаты Қазақстан мен Солтүстік Македония арасындағы сотталған адамдарды беру туралы шартты ратификациялады деп хабарлайды Sputnik Қазақстан.

Бас прокурордың бірінші орынбасары Берік Асыловтың айтуынша, шарттың басты мақсаты – басқа елдерде сотталған қазақстандықтарға жазасын өз елінде өтеуге мүмкіндік беру.

Шартқа сәйкес сотталған адамдарды беру үшін:

  • ол адам екі елдің бірінің азаматы болуға тиіс;
  • екі елде де қылмыс саналатын әрекет үшін сотталған болуы қажет;
  • сұрау алынған кезде үкім заңды күшіне енген болуы тиіс және кемінде 6 ай өтейтін уақыты қалуы тиіс;
  • сотталған адамның жазбаша келісімі керек;
  • екі ел де адамды беруге келісуі қажет.

"Сотталған адам мынадай жағдайларда берілмейді: егер қылмыскерді беру ел егемендігіне нұқсан келтіретін болса; ұлттық заңнамаға қайшы келсе; адам мемлекеттік қауіпсіздікке қол сұғатын қылмыс үшін сотталса; сотталған адам талап қою рәсімдеріне тартылған болса. Мысалы, оның қылмысы арқылы келген шығынды қайтару жөнінде сот процесі жүріп жатса", – деді Асылов сенат отырысында.

Ол қазіргі таңда екі елде де бір-біріне беретін сотталғандар жоқ екенін атап өтті.

Айтуынша, бүгінде Қазақстанда бас бостандығынан айырылған 970 шетелдік жазасын өтеп жатыр. Ал шет елдерде 922 қазақстандық түрмеде отыр.

"Халықаралық шарттар туралы" заңға сәйкес, шарт ратификациялауға жатады. Себебі адам құқықтарына тікелей қатысты", – деді бас прокурордың бірінші орынбасары.

Парламент сенаты шартты бірауыздан ратификациялады.

Мақаланың түпнұсқасы: https://kaz.nur.kz/politics/1909265-qazaqstan-men-makedoniya-sottalgan-adamdaryn-almastyrmaqsy/

pixel