RU

Мәжіліс аудан әкімдерін сайлауға қатысты заң жобасын мақұлдады

Сайлау
Көрнекі фото: sputniknews.kz

Парламент мәжілісінде президент бастамалық еткен аудан әкімдерін сайлау ұсынысы мақұлданды деп хабарлайды ҚазАқпарат.

Ұлттық экономика министрі Әсет Ерғалиев "Қазақстан Республикасындағы сайлау туралы" Қазақстан Республикасының Конституциялық заңына өзгерістер мен толықтырулар енгізу туралы" заң жобасын таныстырды.

"Мемлекет басшысының өткен жылғы 1 қыркүйектегі жолдауындағы тапсырмасын іске асыру барысында еліміздің аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлауын енгізу мәселелері бойынша заң жобалары әзірленді. Негізгі заң жобасында "Сайлау туралы" Конституциялық заңға өзгерістер енгізілу көзделіп отыр", - дейді министр.

Оның айтуынша, қазір елімізде 2345 әкімшілік-аумақтық бірлік бар. Оны ішінде, биылғы екінші жартыжылдықта 836 әкім тікелей дауыс беру арқылы сайланатын болады.

"Мемлекеттік қызмет туралы заңнамасына сәйкес, біліктілік талаптарына сай келген және 25 жасқа толған еліміздің кез келген азаматы сайлана алады. Сондай-ақ, саяси партия мүшелері және сайлаушылардың жалпы санының кемінде 1% пайызына қол жинаған кандидаттар сайлауға түсе алады. Бұл ретте, аудан әкімінің, егер кандидаттар болмаған не біреуі ғана ұсынылған жағдайда, екі не бір кандидаты ұсынуға құқығы бар", - дейді Ерғалиев.

Заң жобасында барлық кандидаттар үшін ең төменгі жалақы мөлшерінде сайлау жарнасын енгізу көзделген.

"Сайлау 40 күн бұрын жарияланады, ал сайлаудың өзі қазіргі әкімнің өкілеттік мерзімі аяқталғанға дейін 10 күн бұрын өтеді. Сайлау өткізілгеннен кейін үш күн ішінде қорытынды шығарылады. Өз кезегінде сайланған әкім жүргізіп жатқан жұмысы үшін халыққа есеп береді", - дейді Әсет Ерғалиев.

Конституциялық заң жобасын мәжілістің жалпы отырысына қатысып отырған 95 депутаттың барлығы мақұлдады.

Мақаланың түпнұсқасы: https://kaz.nur.kz/politics/1911174-mazilis-audan-akimderin-sailauga-qatysty-zan-zobasyn-maquldady/